Ano ki le manatu

Le Kau Fakamaoki a Seova

Select language Fakafutuna

E mafai mā’oki ke toe ma’uli ake se mate?

E mafai mā’oki ke toe ma’uli ake se mate?

E kotou tali ia . . .

  • e io?

  • le’ai?

  • e masalo fa’i?

 E PATI I LE TOSI-TAPU

“E iai loa se tu’uake.” —Ga’oi 24:15.

LONA UIGA KIA KOUTOU

Le fakapelepele mokā mate se tasi e tou alofa mamae ai.—2 Kolinito 1:3, 4.

Le lau’ātea mei le popula i le ’ī ki le mate.—Epeleo 2:15.

Le amanaki mā’oki ke tou toe fakatasi mo lātou na tou alofa mamae ai.—Soane 5:28, 29.

 E MAFAI KO IA KE TOU TUI KI LE TOSI-TAPU?

E io ti ko ona tupu’aga e tolu:

  • Ko le ’Atua leia e soli ’ia le ma’uli. E faka’igoa i le Tosi-Tapu a Seova ’Atua ko le “matapuna o le ma’uli.” (Pesalemo 36:9; Ga’oi 17:24, 25) E matala papau ai ko se ne’a noa ki le Tupu’aga a ne’a ma’uli fuli sana toe fakama’uli ’ia se tasi na mate.

  • Na fakasoko e le ’Atua le fakatu’uake i le temi mu’a. E māsau le Tosi-Tapu ki fakatu’uake e valu ki le ma’uli i le kele. Na ko kakai tupulaga, mo mātutu’a, tagata mo fafine. Ko ’iki na le’ese fualoa lolatou mamate, kae ko se toka tasi fa’i na ku aso fā lona tuku i le tanuma.—Soane 11:39-44.

  • E faka’amu le ’Atua ke toe fai e ia le ne’a lenā. E vesi’a Seova ki le mate, ko se fili kiate ia. (1 Kolinito 15:26) E faka’amu a ia ke tautea’i e ia lenā le fili lā, ke puli’i le mate mo fakasoko le fakatu’uake. Talie e loto a ia ke fakatu’uake a lātou alā na taupau e ia i lona loto ke lotou toe ma’uli i le kele.—Sopo 14:14, 15.

 TOU FAI LE VESILI LEINEI

Koleā e tou mātutu’a ai mo mamate?

E tali le Tosi-Tapu ki lenā le vesili lā ia SENESI 3:17-19 mo LOMA 5:12.