E lagi kotou pati loa ko . . .

  • se tosi o le poto fakatagata?

  • pe ko se tosi fanaga?

  • pe ko se tosi mei le ’Atua?

 E PATI I LE TOSI-TAPU

“Ko le Tosi-Tapu kātoa e ’au mei le ’Atua.”—2 Timoteo 3:16, Traduction du monde nouveau.

LONA UIGA KIA KOUTOU

Se tali ki vesili mauiga o uiga mo le ma’uli.—Māsau Fakatā 2:1-5.

Se takitaki e tusa mo le fānaki. —Pesalemo 119:105.

Se amanaki mā’oki ki le ka ’au. —Loma 15:4.

 E MAFAI KO IA KE TOU TUI KI LE TOSI-TAPU?

E io ti ko ona tupu’aga e tolu:

  • Le anotasi o manatu. Na tosi le Tosi-Tapu e tinofā tagata lolotoga fētuu e 1 600. Toka’api ia lātou na le’ese lotou ma’uli tasi. E toe ano tasi a manatu o le tosi kātoa o tupu e māsau ki le manatu tāfito e tasi.

  • Le fakamatala o le isitolia e tusa mo le fānaki. I le agamasani, ki le kau tagata fai isitolia e le’ese lotou māsau ki ni tau alā na le’ese lotou mālo alotou kakai. Kae ko le kau tagata faitosi o le Tosi-Tapu na lotou fakamatala a lotou sala ti mo le kakai.—2 Sōloga Sau 36:15, 16; Pesalemo 51:1-4.

  • Ko māsau fakakikite e tusa mo le fānaki. Na fakakikite i le Tosi-Tapu e maumau’i le kolo āfea ko Papilone i fetu’u 200 i mua atu. (Isaia 13:17-22) Na le’ese gato fa’i ki lana fakamatala le ano’aga o le maumau’i o Papilone. Kae toe fakasa e ia le igoa o le tagata na osofi ’ia.—Isaia 45:1-3.

    Na toe lasi a iki a māsau fakakikite i le Tosi-Tapu na fakasoko kātoa fena’aki. Kae e le’ese ko le ano’aga ko ia aia leia e tou amanaki ki ai o uiga mo le Folafola a le ’Atua? —2 Petelo 1:21.

 TOU FAI LE VESILI LEINEI

E tokoi fefe’aki mai le Tosi-Tapu ki le tuputupu o lotātou ma’uli?

E tali le Tosi-Tapu ki lenā le vesili lā ia ISAIA 48:17, 18 mo 2 TIMOTEO 3:16, 17.