Ano ki le manatu

Le Kau Fakamaoki a Seova

Select language Fakafutuna

E Gato La Ko Ia Le Mamae?

E Gato La Ko Ia Le Mamae?

E kotou tali loa . . .

  • e io?

  • le’ai?

  • e masalo fa’i?

 E PATI I LE TOSI-TAPU

“Ko le Atua . . . e solo loa e ia a lo’imata fuli mei olātou mata ti ko le mate e le’aise toe ma’ua loa, e le’aise toe ma’ua loa se temi putu, se kalaga, se mamae.” ​—Apokalipisi 21:3, 4.

LONA UIGA KIA KOUTOU

E le’ese soko a fakasala o tupu ko le ’Atua.​—Saakopo 1:13.

Le fimālie o le loto i latātou iloa le manatu a le ’Atua o uiga mo tātou mokā tou mamae.​—Sakalia 2:8.

Le amanaki leia e fakagato ai loa a mamae.​—Pesalemo 37:9-11.

 E MAFAI KO IA KE TOU TUI KI LE TOSI-TAPU?

E io ti ko ona tupu’aga e lua:

  • E vesi’a le Atua ki le mamae mo le le’ese faitotonu. Kotou fakakaukau’i mu’a le loto o Seova ’Atua, i le temi na fai fakaveliveli’i ai lana kakai i le temi mu’a. E pati i le Tosi-Tapu, na loto mamae o tupu ko “lātou alā na fai fakaveliveli’i ’ia lātou ti mo fakamamae ’ia lātou.”​—Tu’i Fakamāu 2:18.

    E vesi’a lasi le ’Atua kia ­lātou alā na lotou fakamamae ’ia le kakai. O sakinake e pati i le Tosi-Tapu, ko se ne’a fakalialia kiate ia a “lima alā e liligi ’ia le toto o le kakai agatonu.”​—Māsau Fakatā 6:16, 17.

  • E tokaga le ’Atua kia tātou taki toka tasi. E tou tasi iloa “lana agasala na fai mo ona mamae,” kae e toe matala ki ai Seova.​2 Sōloga Sau 6:29, 30.

    Ko le Pule’aga o Seova, kua vave lana aga o fakagato a mamae alā e tau mo le mālamanei. (Mateo 6:9, 10) Kae i le temi nei, e aoga ia a fakaloto fimālie’i le loto o lātou alā e lātou afa fakamālotoloto ia ia.​—Ga’oi 17:27; 2 Kolinito 1:3, 4.

 TOU FAI LE VESILI LEINEI

Koleā e fakataga ai e le ’Atua le mamae?

E tali le Tosi-Tapu ki lenā le vesili lā ia LOMA 5:12 mo 2 PETELO 3:9.