Yahugo gonɗum nder

Yahugo less ko woni

Yahugo tindinoore gonɗum nder

Seedooɓe Yeehova

Fulfulde (Kamerun)

Nane Allah e ngeeɗe haa foroy

 YEƁRE 5

Ilam Tuufaana​—Moy nani Allah? Moy nanaay mo?

Ilam Tuufaana​—Moy nani Allah? Moy nanaay mo?

Saa’i Nuuhu, ɓurna yimɓe ɗonno mbaɗa ko wooɗaay. Laataanooji 6:5

Aadamu e Hawwa ndanyi ɓikkoy. Yimɓe fuɗɗi ɗuɗuugo dow lesdi. Ɓaawo man seɗɗa, malaa’ika’en feere tokki Sayɗaanu nder tuurtol maako.

Ɓe ngari haa lesdi e ɓe koo’i ɓalli yimɓe ngam te’ugo rewɓe. Rewɓe ndanyini ɓe ɓiɓɓe maapindi’en, waato doolɗooɓe haa lesdi.

Lesdi heewi bee waɗooɓe halleende. Bibel wi’i: “Halleende yimɓe ɗuuɗiri haa lesdi. Anniyaaji e numooji ɓerɗe maɓɓe kalli tum.”

 Nuuhu nani Allah, ngam maajum o nyiɓi koombowal. Laataanooji 6:13, 14, 18, 19, 22

Nuuhu ɗonno goɗɗo booɗɗo. Yeehova wi’i mo, o halkan halluɓe bee ilam tuufaana.

Allah wi’i Nuuhu o nyiɓa koombowal maaŋgal boo. O nastina yimɓe saare maako bee kala dabbaaji fuu nder koombowal ngal.

Nuuhu maatini yimɓe dow yottaaki ilam tuufaana, ammaa ɓe nanaay. Yimɓe feere takki mo bana ginnawol, feere boo nganyi mo.

Nde o timmini nyiɓugo koombowal, Nuuhu nastini dabbaaji nder maagal.