Yahugo gonɗum nder

Yahugo less ko woni

Yahugo tindinoore gonɗum nder

Seedooɓe Yeehova

Fulfulde (Kamerun)

Kubaruuji belɗi iwɗi haa Allah!

 JAŊGDE 13

Kubaruuji belɗi ɗiyeeji laarani diina?

Kubaruuji belɗi ɗiyeeji laarani diina?

1. Diinaaji fuu ɓooɗɗi na?

Laaɓa ɓerɗe’en ɗon nder diinaaji fuu. Ɗum kubaruwol belŋgol anndugo Allah ɗon yi’a ɓe e o ɗon hakkilana ɓe. Ammaa, ɗum mettuɗum yi’go yimɓe ɗon ngaɗa kalluɗum dow innde diina. (2 Korintu’en 4:3, 4; 11:13-15) Fodde kubaruuji duniyaaru, diinaaji goɗɗi ɗon ngondi bee waɗanɓe sababu, nattinooɓe asli, waɗooɓe konu, e bee torrooɓe ɓikkoy pamaroy. Kanjum sunata nuɗɗinɓe laaɓa ɓerɗe’en masin.​—Njaŋge Matta 24:3-5, 11, 12.

Diina gooŋga kam maŋgtan Allah e diinaaji pewe boo fottantaa mo. Ɗi ɗon ekkina numooji ɗi ngalaa nder Bibel, waato fewre dow Allah e dow maayɓe. Ammaa, Yeehova yiɗi yimɓe annda gooŋga dow maako.​—Njaŋge Ejekiyel 18:4; 1 Timote 2:3-5.

2. Kubaruuji belɗi ɗiyeeji laarani diina?

Ɗum booɗɗum ngam Allah anndi diinaaji wi’anɗi ɗi ngiɗi mo, asee boo ɗum duniyaaru Sayɗaanu ɗi ngiɗi. (Yakuba 4:4) Nder Bibel, diinaaji pewe fuu ɗon mari innde woore, “Baabila maŋgol.” Baabila wonino berniwol ɓooymawol e haa ton dewal fewre fuɗɗi ɓaawo Ilam Tuufaana, jamanu Nuuhu. Yeeso ɗo seɗɗa, Allah nattinan dinaaji hiilanɗi yimɓe e torranɗi ɓiɓɓe Aadama.​—Njaŋge Wahayu Yuhanna 17:1, 2, 5, 16, 17; 18:8.

Kubaruuji belɗi feere ɗon fahin. Yeehova yejjitaay laaɓa ɓerɗe’en saŋkititiiɓe nder diinaaji pewe wonɓe nder duniyaaru fuu. O ɗon hawta ɓe bee ekkitingo ɓe gooŋga.​—Njaŋge Mika 4:2, 5, NW.

 3. Ɗume laaɓa ɓerɗe’en ngaɗata?

Diina gooŋga ɗon hawta yimɓe

Yeehova ɗon hakkilana yiɗɓe gooŋga e ko wooɗi. O ɗon yerɓa ɓe haa ɓe ngurto diina pewe. Goɗɗo to yiɗi Allah, o jaɓan sanjugo ngam seynugo mo.​—Njaŋge Wahayu Yuhanna 18:4.

Haa yidere arande, laaɓa ɓerɗe’en njaɓi bee seyo kubaruwol belŋgol ngol nelaaɓe ngaazata. Yeehova ekkitini ɓe laawol yeeɗugo kesol, ɓuranŋgol hokkugo seyo, marŋgol bote e dokkanŋgol tammunde. Ɓe holli en laawol ngam ɓe njaɓi kubaruwol belŋgol bee ardingo Yeehova dow koo ɗume fuu nder ngeendam maɓɓe.​—Njaŋge 1 Tessaloniiki’en 1:8, 9; 2:13.

Yeehova ɗon jaɓɓo nder jama’aare rewooɓe mo, wurtiiɓe diina fewre. To on njaɓi ewnaandu Yeehova, on keɓan soobiraaku maako, e deerɗiraaɓe hesɓe rewooɓe Yeehova marɓe yiide, e ngeendam nduumiiɗam.​—Njaŋge Markus 10:29, 30; 2 Korintu’en 6:17, 18.

4. Noy Allah waddirta seyo haa lesɗe fuu?

Kiita tammika warugo dow diinaaji pewe ɗum kubaruwol belŋgol. Ka hoynanan duniyaaru fuu torra. Diina pewe meetataa majjingo yimɓe e sendirgo ɓe fahin. Yaake man yimɓe pat kawtan, ndewa Allah gooŋgaajo tan.​—Njaŋge Wahayu Yuhanna 18:20, 21; 21:3, 4.