Yahugo gonɗum nder

Yahugo less ko woni

Yahugo tindinoore gonɗum nder

Seedooɓe Yeehova

Fulfulde (Kamerun)

Deftere Allah​—Ɗume habaru maare?

 BAABUWOL 17

Yeesu ekkitini ko laarani Laamu Allah

Yeesu ekkitini ko laarani Laamu Allah

Yeesu ekkitini pukara’en maako kuuje ɗuuɗɗe, fahin o darni hakkiilo yimɓe nder habaru wooru​—Laamu Allah

NGAM ɗume Yeesu wari lesdi? Ndaa ko o wi’i bee hoore maako: “Mi waajina kubaruwol ɓelŋgol ngol laamu Allah haa gure goɗɗe boo, ngam maajum Allah neli yam.” (Luka 4:43) Ndaaren jonta kuuje nayi ko Yeesu ekkitini ko laarani Laamu ngu ɗonno nder waaju maako.

1. Yeesu laatanno Laamiiɗo. Yeesu wi’i bee hoore mum o Almassihu mo Allah iini. (Yuhanna 4:25, 26) O wi’i o woni Laamiiɗo mo annabi Daniyel yi’i nder gi’ki. Yeesu wi’i pukara’en maako o jooɗoto nyande feere dow “koromwal tedduŋgal” e kamɓe boo, ɓe njooɗoto dow koromje. (Matta 19:28) O wolwi dow laamiiɓe ɓe’e bana “tokkere famarde,” e o wi’i o mari “baali goɗɗi,” ɗi laataaki nder waalde nde’e.​—Luka 12:32; Yuhanna 10:16.

2. Laamu Allah waddan adilaaku gooŋgaaku. Yeesu anndini yoo, Laamu Allah majjitinan sooynde adilaaku ngam ngu senan innde Yeehova Allah e lootan nde diga halleende jey Sayɗaanu waddi dow innde Allah saa’i tuurtol maako nder Adnin. (Matta 6:9, 10) Yeesu holli bee waaju maako yoo, yimɓe fuu poti kal ngam o ekkitini worɓe e rewɓe, riskuɗo e talakaajo, bilaa sendindirki. Koo to o wari haa lesdi ngam yimɓe isra’iila, o walli Samariya’en e yimɓe ummatooje, waato yimɓe jey ngalaa Yahuudu’en. O waɗaay bana arduɓe saa’i maako. O hollaay sendindirki.

3. Laamu Allah laataay bee duniyaaru. Yeesu yeeɗi saa’i saklere politik. Lesdi danyeeki maako ɗonno juuɗe hoɗɓe. Fahin, nyande jey yimɓe maako yiɗino lammingo mo, o teeti. (Yuhanna 6:14, 15) O wi’i goɗɗo politik: “Laamu am iwaay haa duniyaaru ndu.” (Yuhanna 18:36) Haa pukara’en maako o wi’i: “On laataay bee duniyaaru.” (Yuhanna 15:19) O haɗi ɓe maa huuwtinirgo balmol ngam seetugo mo.​—(Matta 26:51, 52)

“Yeesu yehi berniiji e gure fuu, o waaji, o yecci habaru laamu Allah.”​Luka 8:1

4. Laamu Almasiihu ɗon darni dow yiide. Yeesu iini o hokkan yimɓe siwtaare, o ittan ɓe dooŋle. (Matta 11:28-30) O tokki laawol ngol. O hokki dawruki bee yiide bana noy yimɓe poti yeeɗugo bilaa kulol, bana noy ɓe ngiɗindira, bana noy ɓe ittata suuno ceede, e bana noy ɓe keɓtata hayru. (Matta, fasluuji 5-7) Ngam o holli yiide, yimɓe fuu njaɓi mo. Yimɓe ummatooje toy fuu​—koo yimɓe jey woni nder ɓillaare​—ngari haa maako, ngam ɓe anndi fakat o jogan ɓe bee hinnuye e hormu. Nume seɗɗa bana noy Yeesu laamata!

Yeesu waaji Laamu Allah bee dabare feere fahin. O waɗi kaayeefiiji. Ngam ɗume o waɗi kaayeefiiji ɗi’i? Ndaaren.

​—Ndaare defte Matta, Markus, Luka, e Yuhanna.