Jezu wá ayikúngban jí bo na dó sɔ́ gbɛ̀ tɔn dó savɔ̌ dó gbɛtɔ́ hwɛhutɔ́ lɛ tamɛ. É kú nugbǒ, amɔ̌, é ka ɖu ɖò gbɛ̀ ɔ jí. Jehovah nɔ gbeji nú Vǐ tɔn, bo lɛ́vɔ na ɛ gbɛ̀. Kaka jɛ kú Jezu tɔn hwenu ɔ, é wà devizɔ́ nú mɛ ɖevo lɛ kpo mɛɖesɔhwe kpo bo sɔ́ hwɛ kɛ ye hwenu e ye wà nǔ nyì dò é. Ðò fínfɔ́n sín kú tɔn gudo ɔ, é sɔ́ éɖée xlɛ́ mɛsɛ́dó tɔn lɛ. É kplɔ́n lee ye na wà azɔ̌ taji e é sɔ́ d’así nú ye é gbɔn é ye. Enyi mɛjitɔ́ ɖé wɛ nú we hǔn, d’alɔ vǐ towe bonu alɔ e mǐ lɔ sixu ɖó ɖò azɔ̌ ɖokpo enɛ mɛ égbé é ni sù nukún tɔn mɛ.