NǓKANBYƆ́ 6
Étɛ́ Biblu ka ɖɔ ɖ’ayǐ dó Mɛsíya ɔ wú?
NǓÐƆÐAYǏ
“Hwɛ Bɛteleyɛ́mu e ɖo Efláta tokpɔnla mɛ ɔ, . . . hwi mɛ wɛ mɛ e ná ɖu axɔ́sú ɖo Izlayɛ́li nu nú mì ɔ ná tɔ́n sín.”
JIJƐNU TƆN
“Ée è ji Jezu ɖo Bɛteleyɛ́mu ɖo Judée ɖo axɔ́sú Elódu hwenu gúdo é ɔ, sunvíkpɔ́ntɔ́ lɛ́ gosín Zǎnzǎnhwe jí bo wá Jeluzalɛ́mu.”
NǓÐƆÐAYǏ
“Yě má awu ce lɛ́, yě nyi akɔ dó awu ce ɖaxó ɔ.”
Ðɛhan 22:19
JIJƐNU TƆN
“Din ɔ, ée sɔ́ja lɛ́ xwe Jezu nyi atín wú gúdo é ɔ, yě zé awu tɔn aga tɔn lɛ́, bo má ɖó ɛnɛ . . . Amɔ̌, awu do tɔn ɔ ɖó titɔkpa ǎ, lɔn wɛ è lɔn sín aga wá do. Énɛ́ wú ɔ, yě ɖɔ nú yěɖée lɛ́ ɖɔ: ‘Mǐ ní ma vún ó, é nyɔ́ wa ɔ, mǐ ní nyi akɔ dó, bo ná dó tuun mɛ e tɔn é ná nyí é.’”
NǓÐƆÐAYǏ
“É nɔ kpé nukún dó xú tɔn lɛ́ bǐ wú, bɔ ɖokpó géé nɔ wɛ́n ǎ.”
Ðɛhan 34:21
JIJƐNU TƆN
“Ée yě wá Jezu gɔ́n é ɔ, yě mɔ ɖɔ é ko kú, énɛ́ wú ɔ, yě gba afɔxú tɔn lɛ́ ǎ.”
NǓÐƆÐAYǏ
“Hwɛ mǐtɔn lɛ́ wú wɛ è gblě wǔ i.”
JIJƐNU TƆN
“Sɔ́ja lɛ́ ɖokpó ka sɔ́ hwǎn adaja mɛ n’i, bɔ tlóló ɔ, hun kpó sin kpó wá yi.”
NǓÐƆÐAYǏ
“Yě xa kpatágankwɛ́ gban (30), bo dó sú azɔ̌ e un wa ɔ sín axɔ́ mì.”
JIJƐNU TƆN
“Énɛ́ gúdo ɔ, mɛ e nɔ nyí Judási Isikaliɔ́ti, bo ɖo mɛsɛ́dó 12 lɛ́ mɛ é yi vɔ̌sánúxwlémawutɔ́gán lɛ́ gɔ́n, bo ɖɔ: ‘Étɛ́ mi ka ná ná mì bónú má sa ɛ nú mi?’ Yě d’akpá ɖɔ émí ná ná ɛ kpatágankwɛ́ 30.”
