Nǔnywɛ́xó 22:1-29
22 È ɖó nyǐkɔ ɖagbe* ɔ, é nyɔ́ hú dɔkun sukpɔ́;mɛ ɖěvo lɛ́ ɖó sísí nú mɛ ɔ, é nyɔ́ hú kpatágan kpó siká kpó.*
2 Dɔkunnɔ kpó wamamɔnɔ kpó ɖó nǔ élɔ́ ɖo bǔ:*
Jexóva wɛ dá yě bǐ.
3 Mɛ e nɔ nɔ acéjí é nɔ mɔ awǒvinú, bo nɔ hwlá éɖée,amɔ̌, mɛ e ma mɔ nǔ kpɔ́n ǎ é nɔ kpo ɖo yiyi wɛ, bo nɔ se xɔxɔ tɔn.*
4 Nǔ e nɔ tɔ́n sín mɛɖéesɔ́hwe kpó sísí e gɔ́ngɔ́n é ɖíɖó nú Jexóva kpó mɛ éwɛ nyí dɔkun, susu kpó gbɛ kpó.
5 Wun kpó fɛ́ca kpó wɛ ɖo mɛ e nɔ hízí mɛ é sín ali jí,amɔ̌, mɛ ɖěbǔ e gbɛ* tɔn xɔ akwɛ́ ná é nɔ nɔ zɔ vwéé dó nǔ énɛ́ lɛ́.
6 Kplɔ́n vǐ* ɖó ali e é ɖó ná mlɛ́ é jí;nú é tlɛ wá su ɔ, é ná gosín jí ǎ.
7 Dɔkunnɔ nɔ kp’acɛ dó wamamɔnɔ jí,bɔ axɔ́ɖutɔ́ nyí kannumɔ nú axɔ́tɔ́nɔ.
8 Mɛ ɖěbǔ e dó nǔagɔwiwa é ná ya adla,bɔ è ná wɛ́n kpo e é nɔ zán hwenu e xomɛ sin i é.
9 Mɛ e nɔ hun alɔ dó ná nǔ mɛ é* ɔ, è ná kɔn nyɔ̌ná dó jǐ tɔn,ɖó é nɔ má nǔɖuɖu tɔn xá wamamɔnɔ.
10 Nya mɛcákotɔ́,énɛ́ ɔ, jlɛɖiɖɔ ná bú;nǔdindɔn* kpó mɛzunzun kpó ná yi xɔ.
11 Mɛ e mɛ́ ɖo ayi mɛ bɔ xó tɔn lɛ́ nɔ nyɔ́ se éná zun xɔ́ntɔn xá axɔ́sú.
12 Nukún Jexóva tɔn lɛ́ nɔ nya xɛ ɖo nǔtuuntuun jí,amɔ̌, é nɔ flí gbejímanɔtɔ́ lɛ́ sín xó xwe.
13 Fɔnlínnɔ nɔ ɖɔ: “Kinnikínní ɖo kɔ́xo!
É ná hu mì ɖo tokplétɛn!”
14 Nyɔ̌nu hwɛhutɔ́* lɛ́ sín nu ɔ, do gɔngɔn wɛ.
Mɛ e Jexóva ɖó hwɛ ná é ná jɛ mɛ.
15 Xlojijɔ wɛ kpa azinkpo bo jínjɔ́n ayǐ ɖo yɔkpɔ́vú* sín ayi mɛ,amɔ̌, bǎ nǔgbɛ́númɛ tɔn ná sɛ xlojijɔ ɔ dó zɔ vwéé n’i.
16 Mɛ e nɔ táfú wamamɔnɔ bo ná dó jɛ dɔkun dó dɔkun jí ékpó mɛ e nɔ ɖo nǔ ná dɔkunnɔ wɛ é kpóná wá byɔ́ ya mɛ.
17 Tɛ́ tó bo ɖótó nǔnywɛ́tɔ́ sín xó lɛ́,bo ná dó hɛn nǔ e un kplɔ́n we é ayi mɛ.
18 Ðó nú a hɛn xó énɛ́ lɛ́ ayi mɛ ɔ, a ná ɖó awǎjijɛ,bɔ xó énɛ́ lɛ́ bǐ ná ɖo nu towe hwebǐnu.
19 Bónú a ní dó ɖejí dó Jexóva wú ɔ,un ɖo nǔtuuntuun ná we wɛ égbé.
20 Un ko wlán nǔ sɛ́dó we,bo ɖe wě xá we, bónú a ná lɛ́ tuun nǔ,
21 lobo lɛ́ kplɔ́n nǔgbó kpó xó ɖejidéwú lɛ́ kpó we,bónú a ná dó sixú lɛ́ kɔ, bo yi ɖó gbe e sɔgbe é nú mɛ e sɛ́ we dó é ǎ cé?
22 Ma j’ajo dó yatɔ́nɔ, ɖó é nyí yatɔ́nɔ wútu ó,ma nyínyɛ́ wamamɔnɔ ɖo toxo ɔ sín hɔntogbó ta ó,
23 ɖó Jexóva ɖésúnɔ ná bló bɔ è ná ɖɔ hwɛ jlɔ́jlɔ́ nú yě.É ná gblé gbɛ dó nú mɛ ɖěɖěe nɔ táfú yě lɛ́ é.
24 Ma nɔ dó mɛ e nɔ yá wǔ sin xomɛ é sín hǎ ó,ma ka kpé nǔ ɖě xá mɛ e nɔ yá wǔ jɛ ma é ó,
25 énɛ́ ɔ, a ná kplɔ́n ali tɔn lɛ́,bo ná dɔn hwiɖée* dó fɛ́ca mɛ gbeɖé ǎ.
26 Ma nɔ nɔ mɛ ɖěɖěe nɔ ná alɔ mɛ dó dó akpá lɛ́ é tɛ́ntin ó,ma nɔ nɔ mɛ ɖěɖěe nɔ nɔ nukɔn nú mɛ e ja akwɛ́ nya gbé lɛ́ é tɛ́ntin ó.
27 Ényí a ma ɖó nǔtí bo ná dó sú ná ǎ ɔ,è ná yí zan towe sín glɔ̌ towe.
28 Ma sɛ dogbó sín wuntun xóxóe tɔ́gbó towe lɛ́ ɖó ayǐ é ó.
29 A ka ko mɔ mɛ e tuun azɔ̌ ganjí é ɖé ɖo azɔ̌ tɔn kɔn kpɔ́n a?
Axɔ́sú lɛ́ nukɔn wɛ é ná nɔ te ɖe;é ná nɔ te ɖo gbɛtɔ́ kpaa lɛ́ nukɔn ǎ.
Tínmɛ e ɖo do lɛ́ é
^ Blǔju tɔn, “nyǐkɔ.”
^ Blǔju tɔn, “fɛ́nú nyɔ́ hú kpatágan kpó siká kpó.”
^ Blǔju tɔn, “kplé ɖó kpɔ́.”
^ Alǒ “sún sin tɔn.”
^ Alǒ “lǐndɔ̌n.”
^ Alǒ “mɛ wínnyáwínnyá.”
^ Blǔju tɔn, “Mɛ e ɖó nukún ɖagbe é.”
^ Alǒ “mɛ dindɔn yi hwɛ nukɔn.”
^ Alǒ “mɛ wínnyáwínnyá.”
^ Alǒ “lǐndɔ̌n towe.”
