Ezayíi 55:1-13
55 Mi wá, mi mɛ e kɔ xú lɛ́ é bǐ, mi wá wún sin!
Mi mɛ e ma ɖó akwɛ́ ɖě ǎ lɛ́ é mi, mi wá, mi xɔ nǔ bo ɖu!
Ɛɛn, mi wá, mi xɔ vɛ̌ɛn kpó anɔ̌sin kpó akwɛ́ mɛvo; ɛɛn, vɔ̌nu.
2 Étɛ́wú mi ka kpo ɖo akwɛ́ sɔ́ dó xɔ nǔ e ma nyí nǔɖuɖu ǎ é wɛ?Bɔ étɛ́wú mi ka nɔ zán akwɛ́ e mi nɔ mɔ é* dó nǔ e ma nɔ gɔ́ xo nú mɛ ǎ é tamɛ?
Mi ɖótó mì céɖécéɖé, bo ɖu nǔ ɖagbe,énɛ́ ɔ, mi* ná mɔ awǎjijɛ ɖaxó ɖo nǔ e nyɔ́ hú gǎn é mɛ.*
3 Mi tɛ́ tó bo wá gɔ̌n ce.
Mi ɖótó, énɛ́ ɔ, mi* ná nɔ gbɛ,bɔ un ná sɔ́ jlǒ dó jɛ akɔ mavɔmavɔ ɖé xá mi,sɔgbe xá wǎnyíyí e ma nɔ sɛ do ǎ, éé ɖo gbejí,* bɔ un ɖe xlɛ́ Davídi é.
4 Éɖíe! Un sɔ́ ɛ dó ɖó kúnnuɖetɔ́ nú akɔta lɛ́,bo sɔ́ ɛ nukɔntɔ́ kpó ahwangán ɖaxó kpó nú akɔta lɛ́.
5 Éɖíe! A ná ylɔ́ akɔta e a ma tuun ǎ é,bɔ mɛ e ɖo akɔta e ma tuun we ǎ é mɛ lɛ́ é ná nyi ahwan wá gɔ̌n towe,ɖó Jexóva Mawu towe, Mɛ mímɛ́ Izlayɛ́li tɔn ɔ wú,ɖó é ná sɔ́ we su.
6 Mi ba Jexóva hwenu e è sixú mɔ ɛ é.
Mi ylɔ́ ɛ hwenu e é sɛkpɔ́ é.
7 Mɛdídá ní jó ali tɔn dó,mɛ nyanya ní jó linlin tɔn lɛ́ dó;é ní lɛ́ kɔ wá Jexóva e ná kú nǔbláwǔ n’i é gɔ́n,é ní lɛ́ kɔ wá Mawu mǐtɔn gɔ́n ɖó é ná sɔ́ hwɛ kɛ mɛ bǐ mlɛ́mlɛ́.*
8 “Ðó linlin ce lɛ́ nyí linlin mitɔn lɛ́ ǎ,bɔ nǔwalɔ mitɔn lɛ́ nyí nǔwalɔ ce lɛ́ ǎ,” wɛ Jexóva ɖɔ.
9 “Lěe jǐnukúnsin yi jǐ hú ayǐkúngban gbɔn é ɔ,mɔ̌ ɖokpó ɔ wɛ nǔwalɔ ce lɛ́ yi jǐ hú nǔwalɔ mitɔn lɛ́,bɔ linlin ce lɛ́ yi jǐ hú linlin mitɔn lɛ́ gbɔn é nɛ́.
10 Jǐ kpó laglási linfín kpó nɔ ja sín jǐxwé,yě ka nɔ lɛ́ kɔ yi káká cóbó nɔ gɔ́ ayǐkúngban ɔ jí, bo nɔ bló bɔ nǔkún nɔ tɔ́n kun, bo nɔ ná sínsɛ́n,lobo nɔ ná nǔkún nǔkúndótɔ́ bo nɔ ná wɔ̌xúxú mɛ e nɔ ɖu nǔ é ǎ;
11 mɔ̌ ɖokpó ɔ wɛ é ná nyí gbɔn nú xó e nɔ tɔ́n sín nu ce mɛ é.
É ná lɛ́ kɔ wá gɔ̌n ce agbǎ ǎ,loɔ, é ná bló nǔ ɖěbǔ e ná dó xomɛhunhun nú mì é* jɛ́n wɛ,bɔ é ná kpé nǔ e un sɛ́ ɛ dó ɖɔ é ní wa é wú bǐ mlɛ́mlɛ́.
12 Ðó mi ná tɔ́n kpó awǎjijɛ ɖaxó kpó,bɔ è ná kplá mi wá ɖo fífá mɛ.
Só ɖaxó lɛ́ kpó só kpɛví lɛ́ kpó ná nɔ ɖo xó sú wɛ kpó awǎjijɛ kpó ɖo nukɔn mitɔn,bɔ atín e ɖo gle mɛ lɛ́ é bǐ ná nɔ xo asíkpɛ́.
13 Jenɛvliyéetín wɛ ná wú dó wunkan tɛnmɛ,bɔ mǐititín ná wú dó wunkan aɖǐnɔ tɛnmɛ,
bɔ énɛ́ ná kpa susu nú Jexóva,*lobo ná nyí wuntun mavɔmavɔ e ma ná bú gbeɖé ǎ é ɖé.”
