Ezayíi 35:1-10
35 Gbětótló kpó ayǐkúngban xúxú kpó ná j’awǎ,gbětótló ná j’awǎ, bo ná gba sɛ́ folówa saflán ɖɔhun.
2 É ɖo wɛn ɖɔ é ná gba sɛ́;é ná j’awǎ, bo ná sú xó kpó awǎjijɛ kpó.
È ná sɔ́ susu Libáan tɔn n’i,gɔ́ nú susu Kaamɛ́li kpó Calɔ́ni kpó tɔn.
Yě ná mɔ susu Jexóva tɔn, ɛɛn, ɖɛkpɛ Mawu mǐtɔn tɔn.
3 Mi ná hlɔ̌nhlɔ́n alɔ e ma ɖó gǎn ǎ lɛ́ é,bo bló bónú koli e ɖo sísɔ́sísɔ́ wɛ lɛ́ é ní lí dǒ.
4 Ðɔ nú mɛ e ado ɖo huhu wɛ lɛ́ é* ɖɔ:
“Mi dó hlɔ̌nhlɔ́n. Mi ma ɖi xɛsi ó.
Éɖíe! Mawu mitɔn ɖésúnɔ ná wá bo ná ba hlɔn,Mawu ná wá, bo ná dɔn tó nú mɛ.
É ná wá, bo ná hwlɛ́n mi.”
5 Hwe énɛ́ nu ɔ, nukún nukúntɔ́nnɔ lɛ́ tɔn ná hun,bɔ tó tókúnɔ lɛ́ tɔn ná hun.
6 Hwe énɛ́ nu ɔ, afɔkponɔ ná lɔ́n zungbɔ́ ɖɔhun,bɔ ɖɛ̌kúnánɔ* ná sú xó kpó awǎjijɛ kpó.
Sin ná gba wu ɖo gbětótló mɛ,bɔ tɔsisa ná gba wu ɖo gbětótló mɛ.
7 Ayǐkúngban xúxú ná húzú sindo e mɛ fántín ɖe é,bɔ ayǐkúngban e jí sin ma ɖe ǎ é ná húzú tɔjɔtɛn.
Fí e nyí adɔ̌tɛn cukú gbě tɔn lɛ́ tɔn bɔ yě nɔ gbɔjɛ ɖe é ɔ,gběhan mǔ, fántín kpó fɛ́n kpó ná nɔ fínɛ́.
8 Ali ɖaxó ɖokpó ná ɖo fínɛ́,ɛɛn, ali e è nɔ ylɔ́ ɖɔ Ali mímɛ́ é.
Mɛ blíblí ná gbɔn jí ǎ.
È sɔ́ ɖ’ayǐ nú mɛ e ɖo zɔnlin ɖi gbɔn jí wɛ é;xlonɔ ɖě ná gbɔn jí ǎ.
9 Kinnikínní ɖě ná ɖo fínɛ́ ǎ,gběkanlin hunnylámɔnɔ ɖě ná wá jí ǎ.
È ná mɔ yě ɖo fínɛ́ ǎ;mɛ e è vɔ́ xɔ lɛ́ é kɛ́ɖɛ́ wɛ ná ɖi zɔnlin gbɔn fínɛ́.
10 Mɛ e Jexóva xɔ gbɛ ná lɛ́ é ná ɖo xó sú wɛ kpó awǎjijɛ kpó, bo ná lɛ́ kɔ wá Sinyɔ́ɔ.
Awǎjijɛ e ma ɖó dogbó ǎ é ná nyí jɛ̌gbákún ɖo ta yětɔn.
Xomɛhunhun kpó awǎjijɛ kpó ná nyí yětɔn,bɔ aluwɛ kpó azɔnwinwɛn kpó ná blí bú.
