Bíblian svarar

Nógv hava fingið at vita, at vit ikki kunnu vera vís í, hvør hevur skrivað Bíbliuna. Men tað stendur ofta í Bíbliuni sjálvari, hvør hevur skrivað hana. Summir partar byrja við orðingum sum „frásøgn Nehemiasar“, ’sjónirnar, ið Esaias sá’ og „orð HARRANS, ið kom til Jóel“. – Nehemias 1:1; Esaias 1:1; Jóel 1:1.

Flestu bíbliuskrivarar nevndu, at teir umboðaðu Jehova, hin einasta sanna Gud, og at teir vórðu leiddir av honum. Profetarnir, sum skrivaðu Hebraisku skriftirnar, søgdu meira enn 300 ferðir: „So sigur HARRIN.“ (Amos 1:3; Mika 2:3; Nahum 1:12) Aðrir bíbliuskrivarar fingu boðskapin frá Gudi við einglum. – Zakarias 1:7, 9.

Umleið 40 menn skrivaðu Bíbliuna í einum 1.600 ára longum tíðarskeiði. Summir skrivaðu meira enn eina bók í Bíbliuni. Faktiskt er Bíblian eitt lítið bókasavn við 66 bókum. Í Hebraisku skriftunum, sum nógv rópa Gamla testamenti, eru 39 bøkur, og í Kristnu griksku skriftunum, sum ofta verða róptar Nýggja testamenti, eru 27 bøkur.