JW Library er ein ókeypis app, sum ger tað møguligt at taka Bíbliuna, ymiskan lesnað, filmar og ljóðupptøkur niður á tína snildfon, teldil ella teldu.

HVUSSU FÆRT TÚ JW LIBRARY? Far á netið og tak JW Library niður frá eini ’app store’. Appin kann brúkast á ymiskum fartólum. Meðan tú ert á netinum, letur tú appina upp og velur tað, ið tú ætlar tær at taka niður á tólið hjá tær. Ber tað ikki til hjá tær at fara á netið heima við hús, kanst tú kanska gera tað í ríkissalinum, á einum bókasavni ella á einari kaffistovu. Tá ið tú hevur tikið tilfarið niður á tólið hjá tær, noyðist tú ikki at hava netsamband fyri at brúka tað. Av tí at nýggjar funkur regluliga verða lagdar aftrat JW Library, skalt tú fara á netið at dagføra appina av og á.

HVÍ BRÚKA JW LIBRARY? JW Library ger tað nógv lættari at lesa persónliga og at fylgja við á møtunum. Appin er eisini hent at brúka í boðanini, serliga tá ið vit boða óformliga.