Far beinleiðis til innihaldið

Far til undirvalmynd

Jehova vitni

Føroyskt

Hvør stýrir í roynd og veru heiminum?

Hvør stýrir í roynd og veru heiminum?

Heldur tú, at tað er ...

  • Gud?

  • menniskju?

  • onkur annar?

 BÍBLIAN SIGUR

„Allur heimurin liggur í hinum illa.“ — 1 Jóhannes 5:19, umseting eftir Victor Danielsen.

’Sonur Guds er opinberaður til tað, at Hann skal gera verk Djevulsins til einkis.’ — 1 Jóhannes 3:8.

HVØNN TÝDNING HEVUR HETTA FYRI TEG?

Tú fært greiðu á, hví so nógvir trupulleikar eru í heiminum. — Opinberingin 12:12.

Tú fært álit á, at heimurin fer at broytast til tað betra. — 1 Jóhannes 2:17.

 KUNNU VIT VERULIGA TRÚGVA TÍ, BÍBLIAN SIGUR?

Ja, í minsta lagi av trimum orsøkum:

  • Stjórnarskipan Satans er fordømd. Jehova hevur avgjørt at gera enda á valdi Satans yvir menniskjum. Hann hevur lovað at ’gera Djevulin til einkis’ og bøta allan tann skaðan, ið Satan hevur verið atvoldin til. — Hebrearabrævið 2:14.

  • Gud hevur valt Jesus Kristus at stýra heiminum. Jesus líkist als ikki tí ónda og sjálvgóða stjórnaranum í hesum heimi. Viðvíkjandi kongadømi Jesusar lovar Gud: „Honum skal tykjast synd í tí, sum lítið hevur at týða og fátækur er ... Hann skal fría sálir teirra frá órætti og yvirgangi.“ — Sálmur 72:13, 14.

  • Gud kann ikki lúgva. Bíblian sigur greitt: ’Gud kann ómøguliga lúgva.’ (Hebrearabrævið 6:18) Tá ið Jehova lovar at gera nakað, er tað, sum var tað longu gjørt! (Esaias 55:10, 11) ’Høvdingin yvir hesum heimi skal verða kastaður út.’ — Jóhannes 12:31.

 HUGSA UM HETTA

Hvussu verður heimurin, tá ið núverandi stjórnarin er kastaður út?

Bíblian svarar hesum spurninginum í SÁLMI 37:10, 11 og í OPINBERINGINI 21:3, 4.

LÆR MEIRA

GÓÐ TÍÐINDI FRÁ GUDI

Hvørja ætlan hevur Gud við jørðini?

Bíblian greiðir frá, hví Gud skapti jørðina, nær líðingar halda uppat, og hvørja framtíð jørðin og tey, sum búgva á henni, hava.