Far beinleiðis til innihaldið

Far til undirvalmynd

Jehova vitni

Føroyskt

Hvat er Guds ríki?

Hvat er Guds ríki?

Heldur tú, at tað er ...

  • okkurt innan í okkum?

  • ein stjórn í himli?

  • okkurt annað?

 BÍBLIAN SIGUR

’Gud Himmalsins skal grunda ríki, sum í allar ævir ikki skal verða lagt í oyði.’ — Dániel 2:44, umseting eftir Victor Danielsen.

„Sonur er givin okkum, og á øksl Hansara skal harraveldið hvíla.“ — Esaias 9:6.

HVØNN TÝDNING HEVUR HETTA FYRI TEG?

  •  Tú kanst gleðast um eina rættvísa stjórn. — Esaias 48:17, 18.

  • Tú fært fullkomna heilsu og eitt lukkuligt lív í einum komandi nýggjum heimi. — Opinberingin 21:3, 4.

 KUNNU VIT VERULIGA TRÚGVA TÍ, BÍBLIAN SIGUR?

Ja, í minsta lagi av tveimum orsøkum:

  • Jesus vísti, hvat Guds ríki fer at gera. Jesus lærdi sínar lærisveinar at biðja um, at Guds ríki skuldi koma, og at Guds vilji skuldi verða á jørðini. (Matteus 6:9, 10) Jesus vísti, hvussu tann bønin fór at verða svarað.

    Meðan Jesus var á jørðini, gav hann svongum mat, grøddi sjúk og vakti upp deyð! (Matteus 15:29-38; Jóhannes 11:38-44) Sum framtíðar kongur í Guds ríki gav Jesus eina frálíka hóming av, hvat Ríkið fer at gera fyri sínar borgarar. — Opinberingin 11:15.

  • Støðan í heiminum vísir, at Guds ríki skjótt fer at koma. Jesus segði, at bardagar, hungursneyð og jarðskjálvtar skuldu plága heimin, beint áðrenn Ríkið fær frið í lag á jørðini. — Matteus 24:3, 7.

    Alt hetta síggja vit í dag. Tí skulu vit ikki ivast í, at Guds ríki skjótt fer at gera enda á øllum hesum trupulleikum.

 HUGSA UM HETTA

Hvussu verður lívið, tá ið Guds ríki valdar?

Bíblian svarar hesum spurninginum í SÁLMI 37:29 og í ESAIAS 65:21-23.

LÆR MEIRA

GÓÐ TÍÐINDI FRÁ GUDI

Hvørja ætlan hevur Gud við jørðini?

Bíblian greiðir frá, hví Gud skapti jørðina, nær líðingar halda uppat, og hvørja framtíð jørðin og tey, sum búgva á henni, hava.