Raica sara na lewena

Na Website ni iVakadinadina i Jiova

Digia na Vosa vakaViti

iDusidusi me Baleta na iVakavakayagataki ni Kemu iTukutuku

iDusidusi me Baleta na iVakavakayagataki ni Kemu iTukutuku

IVAKAVAKAYAGATAKI NI KEMU ITUKUTUKU

Levu na ka o rawa ni raica ena website qo e sega ni gadrevi kina mo rejisita se vakatakila na kemu itukutuku. Ia eso na ka e vakarautaki me baleti ira ga era rejisita, o ira era vakalewena eso na fomu se ivola kerekere, se o ira e vakauta na kedra itukutuku e dua na ivavakoso ni iVakadinadina i Jiova ena jw.org. Ena vakayagataki ga na kemu itukutuku ke o vakadonuya. Ena so na ituvaki, de dua o vakadonuya me vakayagataki na kemu itukutuku qai veisau na lomamu ena dua na gauna e muri. E se rawa tiko ga ni vakayagataka na neimami website na kemu itukutuku ke lavaki vakalawa.

Na kemu itukutuku o biuta ena website ena vakayagataki ga ena inaki a kerei kina. E rawa ni okati ena inaki qori:

Akaude. Na imeli o solia ena gauna o dolava kina e dua na akaude ena website qo, ena vakaraitaki tale yani kina vei iko na veika e vauca nomu akaude. Kena ivakaraitaki, ke o guilecava na yaca o biuta se na nomu vosa vuni o qai vinakata na veivuke, ena vakau yani e dua na itukutuku ena imeli o solia ni o dolava nomu akaude.

iVolakerekere. O rawa ni vakalewena ena website qo e dua na ivolakerekere, se rawa ni vakalewena ena vukumu na ivavakoso o lewena. Ena vakayagataki na kemu itukutuku ena veika ga e vauca nomu ivolakerekere, kei na so na tabana e veivuke ena cicivaki ni isoqosoqo. Ke veiganiti mera kila tale ga na kemu ivolatukutuku eso tale na valenivolavola ni tabana se isoqosoqo vakalawa e vakayagataka na iVakadinadina i Jiova, ena vakau tale ga e keri na kemu itukutuku ena nomu ivolakerekere.

Cau. Ke o cau ena internet, ena maroroi na yacamu kei na sala ni veitaratara o solia. Ke o cau ni vakayagataki na credit card, e nuitaki na iwalewale e vakayagataki me caka kina na cau va qori ena internet. E nuitaki tale ga na idusidusi e vauca na taqomaki ni kemu itukutuku. De dua ena vinakati mo vakatakila eso na itukutuku me vakau vei ira era na vakarautaka na itukutuku ni nomu cau. Qori ena rairai okati kina na naba ni nomu credit card se naba ni akaude. E nuitaki na iwalewale e vakayagataki me vakarautaki kina na itukutuku ni nomu cau, qai salavata kei na idusidusi ni Payment Card Industry Data Security Standard (“PCI DSS”). Ena rawa ni maroroi tu me rauta ni tini na yabaki na ivolatukutuku ni nomu cau vakailavo. E okati e keri na tikinisiga o cau kina, levu ni nomu cau, kei na sala o cau kina. Qori ena veivuke ena muri ni idusidusi e vauca na veika vakailavo, kei na saumi ni nomu vakatataro ke o via kila eso na ka me baleta na nomu cau. O na sega ni kerei mo cautaka tale eso na ilavo.

Via Kila Eso Tale na ka se Vuli iVolatabu. O rawa ni kerekere ena website ke o via kila eso tale na ka se mo vulica wale na iVolatabu. Ena vakayagataki na kemu itukutuku ena veika ga e vauca nomu ivolakerekere. Ke veiganiti mera kila tale ga na kemu ivolatukutuku eso tale na valenivolavola ni tabana se isoqosoqo vakalawa e vakayagataka na iVakadinadina i Jiova, ena vakau tale ga e keri na kemu itukutuku ena nomu ivolakerekere.

So Tale na iNaki. Eso tale na ka o rawa ni vakalewena kina na kemu itukutuku (me vaka na yacamu, katonimeli, kei na naba ni talevoni). Sega ni tukuni ni o rawa ni cakava ga qori ni o dolava e dua na akaude, vakalewena e dua na ivolakerekere, se ni o cau. Ke gadrevi mo vakatakila na kemu itukutuku, ena vakamatatataki na kena inaki. Ena sega ni vakayagataki na kemu itukutuku ena dua na inaki a sega ni tukuni rawa vei iko.

Ena maroroi qai vakayagataki ga na kemu itukutuku ena inaki a kerei kina. Ena maroroi tiko na kemu itukutuku me yacova ga ni sa vakayacori na inaki a kerei kina, se ni sa oti na kena gauna e lavaki vakalawa. Ke o sega ni vakatakila kece na kemu itukutuku e kerei yani, de dua o na sega ni raica eso na ka e vakarautaki ena website, ena dredre tale ga me vakayacori nomu kerekere.

Era na raica na itukutuku o vakalewena ena nomu fomu se ivolanikerekere o ira era dikeva na ka o kerea. E wili tale ga e keri eso na tabana era veivuke ena cicivaki kei na vakavinakataki ni veiqaravi ena isoqosoqo. Ena sega ni vakatakilai vua e dua tale na kemu itukutuku vakavo (1) ke veiganiti qori me vakayacori kina nomu kerekere, sa vakamatatataki tale ga vei iko na kena itukutuku kece; (2) ke laurai ni vauci ena dua na idusidusi se lawa me vakatakilai na kemu itukutuku; (3) ke ra kerea na vakailesilesi me vakataki ira na ovisa; se (4) ke na veivuke ena kena kilai se tarovi na cakacaka vakailawaki. Ni o vakayagataka neimami website, o sa vakadonuya me vakatakilai na kemu itukutuku vei ira eso tale era kerei mera veivuke, ia ena vakatakilai ga ena inaki sa cavuti oti mai. Ena sega vakadua ni veivolitaki na kemu itukutuku.

VAKAU NI KEMU ITUKUTUKU

E dui tu e veivanua na isoqosoqo kilai vakalawa e qarava nodra cakacaka na iVakadinadina i Jiova. Eso na veiqaravi (server) ni website qo e tiko mai Merika. Ena rairai gadrevi me vakau na kemu itukutuku ina so tale na vanua. De dua e duidui na nodra lawa ni maroroi itukutuku na veivanua qori ni vakatauvatani kei na nomu vanua. E raici vakabibi na taqomaki ni kemu itukutuku ke veiganiti me vakau ina dua tale na vanua. Na isoqosoqo kece e vakayagataka na iVakadinadina i Jiova se tokona na kena cakacaka, e namaki me muria na idusidusi kei na lawa e vakarautaki me baleta na taqomaki ni itukutuku.

Ni o vakayagataka neimami website se veitaratara mai ena kompiuta, o sa vakadonuya me vakau na kemu itukutuku ina vanua veiganiti.

NOMU DODONU

Ena sega ni vakawaleni na itukutuku o solia. Ena sega ni lasutaki e dua na ka me baleta na kemu itukutuku. E nuitaki tale ga na iwalewale ena maroroi voli kina na kemu itukutuku, qai vakayagataki ga ena inaki a kerei kina. E duidui na vanua kei na lawa e vauca na taqomaki ni itukutuku. Ia qo e vica na ka o rawa ni cakava me salavata kei na nomu dodonu:

  • O rawa ni kerea me vakamacalataki vei iko na iwalewale ni kena maroroi qai vakayagataki na kemu itukutuku me salavata kei na lawa ni nomu vanua;

  • O rawa ni kerea mo raica, vakadodonutaka, bokoca, se me kua ni raica e dua na kemu itukutuku ke o se sega ni vakalewena taucoko se cala na ka o biuta;

  • Ke vakadonui vakalawa, o rawa ni tarova na vakayagataki ni kemu itukutuku qai kerea mai me sa kua tale ni vakayagataki.

Ke lavaki ena nomu vanua me muri na lawa e vauca na taqomaki ni itukutuku, o qai via raica, vakadodonutaka, se bokoca na kemu itukutuku, raica na vanua o rawa ni veitaratara kina ena Data Protection Contacts.

Ni yaco mai nomu kerekere, ena laurai ke sa veiganiti qai veirauti na itukutuku o vakatakila me baleti iko. Ena dikevi vinaka na ka o kerea, qai kauaitaki na nomu dodonu mo raica, vakadodonutaka, se bokoca na kemu itukutuku. Ia ena kauaitaki tale ga na dodonu vakalawa ni isoqosoqo ni iVakadinadina i Jiova. Ni bera gona ni vakadonui nomu kerekere, ena vakadeitaki e liu ni na sega ni vakaleqa qori na galala ni sokalou kei na cicivaki ni isoqosoqo. Ke gadrevi me vakayacori eso na veiveisau, ena vakaraitaki tale ga qori vei ira eso era dau kerei mera veivuke.

E vinaka mo kila tiko ni na sega ni bokoci rawa na kemu itukutuku ke lavaki vakalawa me maroroi se vakayagataki. Kena ivakaraitaki, e vinakata na neimami isoqosoqo lotu me maroroya tiko ga na kena itukutuku e dua na iVakadinadina i Jiova. Ke boko na itukutuku qori, ena rawa ni vakaleqa na vakabauta vakalotu ni isoqosoqo kei na kena cicivaki. Ena vakadonui ga na kerekere me boko na kena itukutuku e dua, ke lavaki vakalawa se me salavata kei na idusidusi e vakarautaka na isoqosoqo. Ke o sega ni marautaka na ivakavakayagataki ni itukutuku o vakalewena ena website qo, o rawa ni kauta nomu kudru ina tabana e qarava na taqomaki ni itukutuku ena nomu vanua.