Raica sara na lewena

Na Website ni iVakadinadina i Jiova

Digia na Vosa vakaViti

8 OKOTOVA, 2018
KA VOU

iVola Vovou kei na Kena Vakavoutaki na Website kei na App

iVola Vovou kei na Kena Vakavoutaki na Website kei na App

Ena ika6 ni Okotova 2018, e sevutaki e rua na ivola ena bose vakayabaki ni isoqosoqo. Na ivola Vakalesui Mai na Sokalou Savasava i Jiova! (Pure Worship of JehovahRestored At Last!), e yavutaki ena parofisai i Isikeli. Kena ikarua na brochure, Mo Gumatua ena Wilivola kei na Veivakavulici, qo me vukei ira na iVakadinadina i Jiova mera vakavinakataka na iwalewale ni nodra wiliwili kei na veivakavulici.

Sa tu ena jw.org website kei na JW Library na ivola Sokalou Savasava (Pure Worship) ena vosa vakavalgi, kei na brochure, Veivakavulici (Teaching) ena levu na vosa. Ena qai sevutaki malua ena so tale na vosa na ivola Pure Worship.

E kacivaki tale ga ni sa vakadonuya na iLawalawa Dauvakatulewa me vakavoutaki na noda website, kei na so tale na porokaramu (apps). Ena vakavoutaki na jw.org website me okati kina na veika e tiko ena JW Broadcasting, kei na Watchtower Laibri ena Internet. Ena vakavoutaki tale ga na app ni JW Library me umani kina na veika sa tiko ena na Watchtower Laibri, wili kina na veika e tiko ena jw.org website. Na irairai taucoko ni website kei na app vou sa na cokovata, ena rawarawa tale ga na kena vakayagataki. Kena ivakaraitaki, me rawarawa na vakayagataki ni website kei na app e vakavoutaki, sa vakarawarawataki eso na sala me totolo kina na kena laurai na kakana vakayalo e vakarautaki. Sa caka tiko ena gauna qo na veiveisau qori. O na raica na veisau kece qori ena vica na vula mai qo.