Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

Milford Sound

 VANUA KEI NA LEWENA

Veisiko i Niusiladi

Veisiko i Niusiladi

ERA soko wasa me vica vata na udolu na maile na matatamata na Maori ena rauta na 800 na yabaki sa oti mera lai tawani Niusiladi. Era raica ni duidui sara na ituvaki ni vanua ni vakatauvatani kei na veiyanuyanu tale eso ena wasa Pasifika. Kena ivakaraitaki, e vanua sukusukura o Niusiladi, levu na veiulunivanua, lutu kina na ucacevata, qai tu na kena tobu ni wai katakata. Oti e limanadrau na yabaki, era yaco tale ga yani e Niusiladi e dua na ilala era gole vakayawa sara mai Urope. Era vakaitikotiko ena korolevu e rauta ni 90 na pasede na lewenivanua. E levu era muria ruarua na ivakarau vakavanua era susugi kina mai Urope, kei na ivakarau vakavanua ni veiyanuyanu ena Pasifika. Na koroturaga kei Niusiladi o Wellington, e tukuni ni korolevu yawa duadua ena ceva kei vuravura.

 E yanuyanu tu yawa o Niusiladi, ia voleka ni tolu na milioni na saravanua era gole kina e veiyabaki ena vuku ni rairai ni vanua kei na levu tale na ka totoka e isakisaki ni vanua qo.

Na cava soti e isakisaki kei Niusiladi? Eso na manumanu e laurai duadua ga ena vanua qo, vakabibi na kena e sega ni rawa ni vuka. Dua tale na manumanu e laurai kina na tuatara, e vaka na moko qai rawa ni bula me 100 na yabaki! Na manumanu e rawa ni tukuni tale ga nira itaukei e wili kina eso na mataqali beka, tovuto, kei na babale.

Sa voleka ni 120 na yabaki na nodra tiko e Niusiladi na iVakadinadina i Jiova. Era veivakavulici ena iVolatabu ena rauta na 19 na vosa, qori e wili kina na vosa vakaNiue, Rarotonga, Samoa, kei na vosa vakaTonga.