Raica sara na lewena

Raica na lewenivola

 BULA VAKAIDEWADEWA SE BULI?

Na iBulibuli ni Qanivivili

Na iBulibuli ni Qanivivili

NI KAUKAUA vinaka na qana, e rawa ni toka dei na vivili se mani cava e yaco e boto ni wai se voravora vakacava na wasawasa. Na totoka ni kena taqomaka na vivili na qana, e uqeti ira na idinia mera dikeva na ibulibuli ni qanivivili. Na vakadidike qori me vukei ira ena nodra bulia na motoka se tara na vale ena taqomaki ira na pasidia kei na itaukei ni vale.

Vakasamataka mada: Era dikeva na idinia na ibulibuli ni rua na mataqali qanivivili—dua e vaka na vasua, dua tale e vaka na sici.

E rua na qana na vivili e vaka na vasua. Na vivili va qori e uaua na qana, qai vakavuna me kaukaua na batibatina kei na vanua e tauri rau vata na qana. Ia na vivili e vaka na sici e kaukaua na utona kei na vuna baleta ni cowiri vaka na viko na qana. E vukea vakalevu na mataqali vivili ruarua qori na ibulibuli ni qana. E kaukaua vinaka kina na vivili qai rawa ni toka dei se mani cava e yaco e loma ni wai.

Era vakayagataka na daunivakadidike e dua na misini me buli kina eso na ivakatakarakara ni qanivivili ra qai vakatauvatana na kena kaukaua ina qanivivili dina. E laurai ena vakadidike qori ni voleka ni vakaruataki na kaukaua ni qanivivili dina ni vakatauvatani kei na kena ivakatakarakara.

E kaya na mekesini na Scientific American me baleta na ka era raica na dauvakadidike: “Sa na vakatubuqoroqoro mada ga ke buli ena dua na gauna na motoka e vaka na ibulibuli ni qanivivili. Ena veivakadrukai ra qai taqomaki vinaka kina na pasidia.”

Cava o nanuma: E vu mai na bula vakaidewadewa na ibulibuli ni qanivivili se sa buli vata mai?