Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 ULUTAGA LEVU

Sala Mo Lewai Iko Vinaka Kina

Sala Mo Lewai Iko Vinaka Kina
  • E SE via moce o Austin, ia sa tagi na alamu ni nona kaloko. Sega ni bera na nona duri, veisautaka nona isulu, lai tereni sara. Sa dua na yabaki na nona cakava tiko vakatolu qori e veimacawa.

  • Dua tale na yalewa o Laurie e se qai vala oti ga kei watina. Ena levu ni nona cudru kei na rarawa, e lako i valenikuro qai kania e dua na pakete levu na loli. Qori na ka e dau cakava ena gauna kece e rarawa kina.

E tautauvata vakacava na kedrau ituvaki o Austin kei Laurie? Io, erau sega tale ni vakasamataka na ka me rau cakava, rau sa muria ga na ivakarau e matau vei rau.

Vakacava o iko, o na via vakavinakataka eso na ka ena nomu ivakarau ni bula? De dua mo vakaukauayago vakalevu, kua ni yadra sivia, se veitaratara wasoma kei ira na wekamu se itokani.

Ena yasana adua, o na rairai via valuta tale ga na nomu malumalumu me vaka na vakatavako, laukana vakasivia ni kakana kamikamica, se vakalusi gauna ena Internet.

Ena sega ni rawarawa mo valuta na nomu malumalumu. Na dredre ni nomu cakava qori e tukuni ni vaka ga na dredre ni nomu tucake mai na idavodavo ni o sa tutuvi vinaka toka ni batabata na draki!

Na cava mo cakava mo lewai iko vinaka kina? Ena vakamacalataki ena tolu na ulutaga veitaravi qo eso na ivakavuvuli yaga ena iVolatabu.