Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 BULA VAKAIDEWADEWA SE BULI?

Na Domo ni Kadi

Na Domo ni Kadi

DUA na ka nodra qoroya na idinia na nona laveta rawa na kadi na ka e bibi sara mai na yagona. Me kilai se rawa vakacava qori, era bulia ena kompiuta na idinia ena Ohio State University mai Merika eso na ivakatakarakara ni kadi kei na veika e rawa ni cakava. Era vakayagataka na itaba e laurai kina vakamatailalai na ibulibuli ni kadi, kei na ka e cakava na yagona ni laveta na ka bibi.

E laurai ni yaga vakalevu vua na kadi na domona, ni taura rawa kina na bi ni ka e katia e gusuna. Na viciko malumu ni domona e veikabiti vinaka kei na qa ni uluna kei na yagona. E kaya e dua na dauvakadidike: “Na veikabiti ni viciko kei na qana e kaukaua kina na domona. E vakasakiti na nodrau veitauri vinaka na viciko malumu kei na qana kaukaua. Qori ena vakaukauataka na domo ni kadi me taura rawa na bi ni ka e laveta.” Na nodra kila vinaka na dauvakadidike na veika e rawa ni cakava na domo ni kadi, ena yaga sara vakalevu ena kena vakavinakataki na ibulibuli ni misini me vaka na robot.

Na cava o nanuma? E vakasakiti na kaukaua ni domo ni kadi kei na ka e rawa ni cakava. Vakacava e buli na domo ni kadi se vu mai na bula vakaidewadewa?