Raica sara na lewena

Raica na lewenivola

 ULUTAGA LEVU | ITUKUTUKU ENA DUIDUI VOSA

Dua na Leqa Makawa

Dua na Leqa Makawa

NIKUA sa rauta ni 7,000 na vosa e vuravura raraba, qai dau vakadredretaka na veitosoyaki, na veivoli, na vuli kei na veiqaravi ni matanitu. A se vakilai sara na leqa qo mai na gauna makawa. Kena ivakaraitaki, ena rauta na 475 B.G.V. ena veiliutaki i Tui Esuerosi, (kena irairai o Kisekise I), e vakauta na matanitu o Perisia na ivakaro ina veivanua kece e liutaka, “mai Idia me yaco sara i Iciopea, e 127 na yasana, ina dui yasana ena kena ivolavolai, vei ira na lewenivanua ena nodra dui vosa.” *

Era sega ni bau saga mera cakava qori na isoqosoqo se matanitu nikua, ia era cakava na iVakadinadina i Jiova. Era tabaka na mekesini kei na ivola ena levu sara na vosa, wili kina na katokatoni, na vidio, kei na iVolatabu. Era vakadewa tiko ena sivia na 750 na vosa, kei na rauta ni 80 na vosa vagalu. Era vakarautaka tale ga e vica vata na vakadewa ni nodra ivola na mataboko na Braille.

Era sega ni rawatubu na iVakadinadina i Jiova ena sasaga kece qori. Era sega ni saumi na daunivakadewa kei ira na veitokoni. Na cava era saga kina vagumatua na iVakadinadina i Jiova mera vakadewa ena levu na vosa? Era cakava vakacava qori?

^ para. 3 Raica ena iVolatabu na Esiteri 8:9.