Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

Na veidinadinati e vaka na ikelekele, ena vakataudeitaka na vakawati se mani dredre vakacava na itosotoso

 VEI IRA NA VEIWATINI

1: Veidinadinati

1: Veidinadinati

CAVA E OKATI KINA?

O ira era raica vakabibi na nodra veidinadinati ni vakamau era na saga mera dei kina, me vauci ira vata ena nodra bula taucoko. E vakanuideitaki ira na veiwatini nodra veidinadinati. E vakadeitaka nira na yalodina tiko ga na kedra isa ke mani sotavi mada ga na ituvaki dredre.

Eso na veiwatini era dei ga ena nodra veidinadinati ena vukudra na wekadra kei na nodra itokani. Ia e vinaka cake me yavutaki na veidinadinati ena loloma kei na veidokai.

IVAKAVUVULI VAKAIVOLATABU: “Na tagane vakawati . . . me kua ni biuta na watina.”​—1 Korinica 7:11.

“Ke o raica vakabibi nomu vakawati, o na sega ni cudru totolo. Ena totolo ga nomu veivosoti kei na nomu kere veivosoti ke o cala. O na sega ni weletaka na leqa e dau basika, o na saga mo walia me kua ni vakavuna na veisere.”—Micah.

VUNA E BIBI KINA NA VEIDINADINATI

Ni sotavi na leqa, era na rairai kaya o ira era sega ni raica vakabibi nodra veidinadinati ni vakamau, ‘Sega beka ga ni dodonu me watiqu o koya qo,’ ra qai vaqara iulubale mera tagutuva kina nodra vakawati.

“Gauna era vakawati kina e levu, dua na iwali ni leqa era sa dau vakasamataka rawa tu na veisere. Sa yali ga mai na itekivu na veidinadinati ke sa vakasamataki rawa tiko na veisere ni rau se qai vakawati ga e rua.”​—Jean.

KA O RAWA NI CAKAVA

ESO NA TARO MO VAKASAMATAKA

Ni yaco na veiba . . .

  • O dau veivutunitaka nomu vakawatitaki kemu isa?

  • O dau diva mo vakawatitaka e dua tale?

  • O dau tukuna “Au sa na biuti iko” se “Au sa na vaqara e dua tale e lomani au”?

Ke o vakaiotaka e dua, rua, se na taro kece qori, vaqaqacotaka sara ga ena gauna qo nomu veidinadinati ni vakamau.

VEIVOSAKITAKA KEI WATIMU

  • Ke sa via luluqa na veidinadinati ni vakamau, cava e rairai vakavuna ya?

  • Cava o rawa ni cakava me vaqaqacotaki tale kina?

VAKATUTU

  • Tovolea e dua na iwalewale vou, kena ivakaraitaki vola vei watimu eso na ka mo vakaraitaka kina ni o domoni koya

  • Biuta na itaba kei watimu ena nomu vanua ni cakacaka, me vakaraitaka ni o raica vakabibi nomu veidinadinati ni vakamau

  • Ke o cakacaka se gole ina dua tale na vanua, saga na sala cava ga e rawa mo drau veivosaki kina vakaveiwatini e veisiga

IVAKAVUVULI VAKAIVOLATABU: “Na ka sa vauca vata na Kalou me kua ni tawasea na tamata.”​—Maciu 19:6.