Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

Drau cakacaka vata vakaveiwatini me vaka na pailate kei na nona ivukevuke

 VEI IRA NA VEIWATINI

2: Cakacaka Vata

2: Cakacaka Vata

CAVA E OKATI KINA?

Na nodrau cakacaka vata na veiwatini e vaka na nodrau cakacaka vata na pailate kei na nona ivukevuke ena ituvatuva ni vuka e soli vei rau. Ena sega ni sasaga duadua na isa ni vakawati ni basika na ituvaki dredre, ia rau na sasaga vata vakaveiwatini.

IVAKAVUVULI VAKAIVOLATABU: “Erau na sega ni lewe rua tiko, erau sa na dua ga na yago.”—Maciu 19:6.

“E dodonu me rau cakacaka vata na veiwatini me vinaka kina na vakawati.”—Christopher.

VUNA E BIBI KINA NA CAKACAKA VATA

Ke rau dui dre nodrau mua na veiwatini ni basika na duidui, erau na kauaitaka ga o cei e cala dina, rau na sega ni saga me wali na leqa. Eso mada ga na ka lalai e vakavu veivosaki, e rawa ni tini sara ena dua na leqa levu.

“E bibi na cakacaka vata ena vakawati. Ke keirau sega ni cakacaka vata vakaveiwatini, e vaka ga e rua erau rede vata, ia rau sega ni veiwatini. Dua na leqa levu qori ni vinakati me vakatulewataki eso na ka bibi.”—Alexandra.

KA O RAWA NI CAKAVA

ESO NA TARO MO VAKASAMATAKA

  • Au via lewa ga noqu ilavo?

  • Au vakila ga na vakacegu keu yawa mai vei watiqu?

  • Au sega ni via kilai ira na wekai watiqu veitalia ke ra veivolekati vakavuvale?

VEIVOSAKITAKA KEI WATIMU

  • Na cava eso na ka keirau dau veitokonitaka vinaka vakaveiwatini?

  • Na cava eso na ka me keirau vakavinakataka?

  • Na cava me keirau cakava ke leqa tiko na neirau cakacaka vata?

VAKATUTU

  • Na nomudrau vakawati me kua ni vaka na qito tenisi drau dui to kina kei na kemu isa. Ia vakasamataka na ka o rawa ni cakava mo drau to se timi vata kina vakaveiwatini.

  • Me kua ni tiko vei iko na rai, ‘Au na wini vakacava?,’ ia vakasamataka va qo ‘Keirau na wini vakacava?’

“E sega ni bibi me kilai o cei e cala. E bibi ga me vakilai na vakacegu kei na duavata ena nomu vakawati.”—Ethan.

IVAKAVUVULI VAKAIVOLATABU: “[Kua] ni kauaitaka ga na ka e baleti kemuni, ni kauaitaka tale ga na ka e baleti ira tale eso.”​—Filipai 2:3, 4.