Raica sara na lewena

Raica na lewenivola

 ENA RAWATI VAKACAVA NA MARAU?

Sala me Rawati Kina

Sala me Rawati Kina

O MARAUTAKA TIKO NOMU BULA? De dua e vakamarautaki iko nomu vuvale, cakacaka, se nomu lotu. O rairai sasagataka tale tiko ga e dua na ka o nanuma ni na vakamarautaki iko. Kena ivakaraitaki, mo vakaotia vinaka nomu vuli, dua nomu cakacaka vinaka, se mo volia e dua na motoka vou.

E levu era qai vakila ga na marau ni sa rawa vinaka nodra sasaga se nira rawata na ka era vinakata. Ia na kena dau lekaleka ga na marau va qori e rawa ni vakavu rarawa tale vei keda.

E vakamacalataki na marau me dua na ka e dodonu me tudei. O koya e vakila na marau e vakacegu na yalona, na reki e vakila e titobu, qai sega ni vinakati me seavu.

E rawa ni vakilai tawamudu na marau, ia na nona marau e dua e vakatau ena nona ivakarau ni bula, sega ni nona rawaka. Kua ni lokuyara, sasagataka sara ga qo na veika mo vakila kina na marau.

Na marau e vaka ga noda sasaga meda bulabula vinaka. Na cava eda na cakava meda bulabula kina vakayago? Eda na qarauna na ka eda kania kei na noda ivakarau ni bula, da qai vakaukauayago. E tiko tale ga na ka meda cakava meda marau kina. E bibi me yavutaki ena ivakavuvuli vinaka na noda ivakarau ni bula.

Na ivakavuvuli se itovo cava ena rawati kina na marau? E levu tu na ivakavuvuli se itovo ena rawati kina na marau, ia dikeva mada qo e vica e dodonu meda raica sara ga vakabibi:

  • LOMAVAKACEGU KEI NA LOMASOLI

  • QARAUNA NOMU BULA, KUA NI SORO

  • LOLOMA

  • VEIVOSOTI

  • ME VAKAINAKI NA BULA

  • INUINUI

E kaya na iVolatabu: “Era marau o ira na sega ni cala ena nodra ilakolako.” (Same 119:1) Meda raica sara mada na sala ena rawati kina na marau.