Cava e Kaya na iVolatabu?
Ena muduki dina na veika tawadodonu e yaco tu e vuravura?
Cava o na kaya?
Io
Sega
De dua
Ka e kaya na iVolatabu
“Au kila ni na totaki ira na vakaloloma o Jiova qai tauca na lewadodonu vei ira na dravudravua.” (Same 140:12) Ena muduka na veika tawadodonu e yaco tu e vuravura na Matanitu ni Kalou.
So tale na ka eda vulica ena iVolatabu
E raica tu na Kalou na veika tawadodonu e vakayacori tiko e vuravura, ia ena sega ni vakalaiva me yaco tu ga.
—Dauvunau 5:8. Ena qai vakilai e vuravura na vakacegu kei na sautu ni sa muduka na veika tawadodonu na Kalou.
—Aisea 32:16-18.
E dau veivakaduiduitaki na Kalou?
Era vakabauta eso
ni vakalougatataka na Kalou eso na matatamata qai cudruva eso tale. Ia eso era kaya nida tautauvata kece ena mata ni Kalou. Cava o nanuma?
Ka e kaya na iVolatabu
“[E] sega ni dau veivakaduiduitaki na Kalou, ia e vakadonui ira era dokai koya ra qai cakava na ka e vinakata mai na veivanua kece.” (Cakacaka 10:34, 35) Kena ibalebale eda tautauvata kece ena mata ni Kalou.
So tale na ka eda vulica ena iVolatabu
Na “itukutuku vinaka” ena iVolatabu e dodonu me vunautaki vei ira “na veimatanitu, na veiyavusa, na duivosavosa, kei na tamata kece.”
—Vakatakila 14:6.
Rawa ni o Wilika Tale ga
SAUMI NA TARO VAKAIVOLATABU
Me Beitaki na Kalou Nida Rarawa?
Eda na sotava kece na rarawa—o ira mada ga e vakadonui ira na Kalou. Na vuna?
E VEISAUTAKA NA BULA NA IVOLATABU
Au Via Tarova na Veika Tawadodonu
E lewena o Rafika e dua na ilawalawa era via tarova na veika tawadodonu. Ia sa qai vulica ena iVolatabu ni na kauta mai na vakacegu kei na lewadodonu na Matanitu ni Kalou.
