Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

Saumi na Taro Vakaivolatabu

Saumi na Taro Vakaivolatabu

Cava na Siga ni Lewa?

Cava me marautaki kina na siga ni lewa?

Dau vakayagataki ira na dauveilewai ena gauna vakaivolatabu na Kalou mera vakabulai kina na nona dauveiqaravi mai na veivakalolomataki. (Dauveilewai 2:18) Vakamacalataki ena iVolatabu ni Siga ni Lewa e dua na gauna marautaki. Ena vakabulai ira kina na kawatamata mai na veivakalolomataki na Turaganilewa ni vuravura, o Jiova.Wilika Same 96:12, 13; Aisea 26:9.

Na Kalou e lesi Jisu me nodra turaganilewa na bula kei na mate. (Cakacaka 10:42; 17:31) Levu era sa mate era sega tu ni kila na Kalou. Ena vakaturi ira gona o Jisu ena Siga ni Lewa mera kila ra qai lomana na Kalou dina.Wilika Cakacaka 24:15.

Cava e duanaudolu kina na yabaki na Siga ni Lewa?

Era na vakaturi na mate donuya na duanaudolu na yabaki. (Vakatakila 20:4, 12) Ena qai soli vei ira na gauna mera vulica na veika me baleta na Kalou, ra talairawarawa tale ga vua. Tukuni ena iVolatabu nira na lewai na vakaturi ena ka era cakava nira sa vakaturi oti.Wilika Roma 6:7.

Dua tale ga na siga ni veilewai e tukuni tiko ena iVolatabu ena yaco vakasauri ni bera ni tekivu na duanaudolu na yabaki. E vakatokai tale ga me icavacava, me vaka e vakamacalataki ena ulutaga levu ni ilavelave qo. Ena siga oya, ena vakarusai ira kece na tamata ca na Kalou. (2 Pita 3:7) Bibi gona me laurai votu noda lomani koya.Wilika 2 Pita 3:9, 13.