Raica sara na lewena

Raica na lewenivola

Saumi na Taro Vakaivolatabu

Saumi na Taro Vakaivolatabu

O cei era na lai bula i lomalagi? Na cava na vuna?

E vica vata na milioni nikua era vinakata tu mera lai bula i lomalagi. E tukuna o Jisu ni ratou na lai bula e kea na nona yapositolo yalodina. Ni bera ni mate, a yalataka vei ratou ni na vakarautaka e dua na tikina me ratou na lai bula vata kina kei Tamana mai lomalagi.​—Wilika Joni 14:2.

Na cava era vakaturi kina eso mera lai bula i lomalagi? Na cava era na lai cakava e kea? E tukuna o Jisu vei ratou na nona yapositolo nira na lai tui ra qai liutaka na vuravura.​—Wilika Luke 22:​28-30; Vakatakila 5:10.

Era na lai bula kece i lomalagi na tamata vinaka?

Ena levu na vanua, e vica ga era veiliutaki ena matanitu. Ni vakaturi ira tale ga na lai bula i lomalagi o Jisu mera liutaka na vuravura, eda namaka mera na digitaki ga e vica. (Luke 12:32) E tukuna sara ga na iVolatabu na kedra iwiliwili na lai veiliutaki vata kei Jisu.​—Wilika Vakatakila 14:1.

Eso na imuri i Jisu era na lai bula ena tikina sa vakarautaka tu mai lomalagi. O kila na ka era na lai cakava e kea?

Era na sega ni vakalougatataki wale ga o ira na lai bula i lomalagi. O ira tale ga era yalodina ena ruku ni veiliutaki i Jisu era na marautaka na bula tawamudu ni sa parataisi tale na vuravura. (Joni 3:16) Eso era na bula sivia na kena vakarusai na ituvaki ca ni vuravura qo era na bula ena Parataisi. Eso tale era na vakaturi mai ena gauna qori.​—Wilika Same 37:29; Joni 5:​28, 29.