Raica sara na lewena

Raica na lewenivola

Kena iKava: Na Kalou e Oka ena Letoluvakalou

Kena iKava: Na Kalou e Oka ena Letoluvakalou

Kena iKava: Na Kalou e Oka ena Letoluvakalou

Kena itekitekivu:“Ena rairai nanumi ni a buli na ivakavuvuli ni Letoluvakalou ena icavacava ni ikava ni senitiuri. E dina qori ena dua na yasana, . . . Na ivakavuvuli ni ‘le tolu e okati me Kalou duabau,’ e se sega ni yavutaki dei, e se sega ni ciqomi raraba me ivalavala se ivakavuvuli ni lotu vaKarisito, me yacova na icavacava ni ika4 ni senitiuri.”​—New Catholic Encyclopedia (1967), Volume 14, tabana e 299.

“Ena 20 Me, 325 S.K., a liutaka sara ga o Constantine na bose mai Nicaea kei na veivosaki, qai vakatura . . . me vaka na lewa ni matabose ni dodonu me vakataudeitaki na ivakavuvuli e vakamacalataka na nodrau veiwekani na Karisito kei na Kalou, ‘oya ni rau duabau ga kei Tamana’ . . . Ena levu ni nodra rerevaka na empara, era sainitaka kina na bisovi kece, vakavo ga e rua, na ivakavuvuli a vakaturi, ia e levu era sega ni via saini.”​—Encyclopædia Britannica (1970), Volume 6, tabana e 386.

Ka e kaya na iVolatabu: “Sa sinai tu ko Sitiveni e na Yalo Tabu, ka sa qai rai matua ki lomalagi ka raica na lagilagi ni Kalou; sa raici Jisu tale ga ni tucake tu e na liga i matau ni Kalou. Sa qai kaya vei ira ko Sitiveni, Au sa raica ni sa tadola na lomalagi ka raica na Luve ni Tamata ni sa tucake tu e na liga i matau ni Kalou!”​—Cakacaka 7:​55, 56, VV.

Na cava e vakaraitaka na raivotu ya? Ni vakasinaiti o Sitiveni ena yalo tabu ni Kalou, e raici Jisu ni “tucake tu e na liga i matau ni Kalou.” Kena ibalebale, a sega ni vuki o Jisu me Kalou ni vakaturi i lomalagi, a dua ga na kabula vakayalo e duidui mai vua na Kalou. E sega tale ga ni tukuni ena raivotu e dua na ka me ikatolu vua na Kalou. A vaqarai eso na tikinivolatabu me tokona na ivakavuvuli ni Letoluvakalou, ia e tukuna e dua na bete, e imuri nei Sanito Dominic, o Marie-Émile Boismard ena nona ivola, À l’aube du christianisme​—La naissance des dogmes (At the Dawn of Christianity​—The Birth of Dogmas): “Na ivakavuvuli ni Letoluvakalou. . . e sega ni bau kune ena Veiyalayalati Vou.”

A uqeta na ivakavuvuli ni Letoluvakalou o Constantine me muduki kina na veileti ni Lotu ena ikava ni senitiuri. Ia e vakavurea ga e dua tale na ile: E “Tina ni Kalou” o Meri, na yalewa a vakasucumi Jisu?

Vakatauvatana na tikinivolatabu qo: Maciu 26:39; Joni 14:28; 1 Korinica 15:​27, 28; Kolosa 1:​15, 16

KA DINA:

A buli ena icavacava ni ikava ni senitiuri na ivakavuvuli ni Letoluvakalou

[iYaloyalo ena tabana e 25]

Museo Bardini, Florence