Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

‘Vakamareqeti Ira Tale ga na Tagane va Qo’

‘Vakamareqeti Ira Tale ga na Tagane va Qo’

ME TEKIVU mai na 1992, e lesia na iLawalawa Dauvakatulewa e vica na qase ni ivavakoso matua mera veivuke ena duidui komiti ena kena qaravi na itavi. * O ira na dauveivuke qo era ‘so tale na sipi,’ era veitokoni vei ratou na iLawalawa Dauvakatulewa. (Joni 10:16) Era bose vata kei ira na komiti era lesi kina e veimacawa, era vakarautaka na itukutuku matailalai kei na nodra vakatutu. Na iotioti ni vakatulewa e qai nodratou na iLawalawa Dauvakatulewa, ia o ira na dauveivuke era na vakayacora na itavi cava ga e lesi vei ira ena veidusimaki ni komiti. Era na veitomani kei ratou na iLawalawa Dauvakatulewa ena soqo ni veimatanitu se veiwasewase. Era na rairai lesi tale ga mera mata ni valenivolavola liu nira veisiko ena valenivolavola ni tabana.

E kaya e dua vei ira na dauveivuke a veiqaravi ni tekivu na ituvatuva qo: “Niu qarava na noqu itavi, eratou sa rawa ni qarava vakatabakidua na iLawalawa Dauvakatulewa na veika vakayalo.” Ni raica lesu na 20 na yabaki ni nona veiqaravi ni dauveivuke, e kaya e dua tale na tacida: “Qo na itavi dokai au sega ni namaka vakadua.”

Na iLawalawa Dauvakatulewa e nuitaki ira na tacida qo qai vakavinavinakataka na nodra veiqaravi ena yalodina kei na nodra gugumatua. Meda ‘vakamareqeti ira tale ga na tagane va qo.’—Fpai. 2:29.

^ para. 2 Raica na ivola Veiliutaki na Matanitu ni Kalou! tabana e 131 e vakamacalataki kina vakalekaleka na nodratou itavi na ono na komiti ni iLawalawa Dauvakatulewa.