Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

Taro na Dauwiliwili

Taro na Dauwiliwili

Na cava na “ivakatakilakila” kei na “ivakadei” era ciqoma yadua na lotu vaKarisito lumuti mai vua na Kalou?—2 Kor. 1:21, 22.

Ena gauna makawa, e dau vakabiri na mama ni ivakadei ina drega me vakadinadinataka e dua na ivola

iVakatakilakila: Ena dua na ivakamacala, na vosa vaKirisi e vakadewataki me “ivakatakilakila” ena 2 Korinica 1:22 e dau vakayagataki ena “veika vakalawa kei na ka vakabisinisi” me dusia na “imatai ni sausaumi, veidinadinati, e caka me saumi rawa tu kina e dua na ka me ivakadei ni o na taukena se me vakabau kina e dua na konitaraki.” Ia na sausaumi vakadua se na icovi e soli vei ira na lumuti e tukuni tiko ena 2 Korinica 5:1-5, e okati kina na nodra tokara na yago vakalomalagi e sega ni vuca rawa. E okati tale ga kina na bula tawamate e lomalagi.​—1 Kor. 15:48-54.

Ena vosa vaKirisi ni gauna qo, e dau vakayagataki e dua na ivosavosa va qori ina mama ni veimusumusuki. E veiganiti kina na vosa ivakatakilakila me dusi ira na lai wati Karisito vakaitakarakara.​—2 Kor. 11:2; Vkta. 21:2, 9.

iVakadei: E dau kena ivalavala e liu me vakayagataki na ivakadei se drega me vakadinadinataka e dua na ka eda taukena, na kena dina, se veidinadinati. Vei ira na lumuti, era sa “dregati” se vakatakilakilataki ena yalo tabu mera nona na Kalou. (Efeso 1:13, 14) Ena qai yaco dina na veidregati qori ena dua na gauna ni bera nira mate ena yalodina se dua na gauna ni bera na veivakararawataki levu.​—Efeso 4:30; Vkta. 7:2-4.