Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

Cava e Kaya na iVolatabu?

Cava e Kaya na iVolatabu?

Vakacava e dau sauma na masu kece na Kalou?

CAVA O NANUMA?

  • E sauma na Kalou na masu kece

  • E sauma ga eso na masu

  • E sega ni dau sauma kece na noda masu

KA E KAYA NA IVOLATABU

“E voleka o Jiova vei ira kece . . . na kacivi koya ena yalodina.”​—Same 145:18.

SO TALE NA KA EDA VULICA ENA IVOLATABU

  • E sega ni rogoca na Kalou na nodra masu o ira na talaidredre vua. (Aisea 1:15) Ia e rawa nira “veivosaki vakadodonu” kei Jiova ke ra veisautaka nodra ivalavala.​—Aisea 1:18.

  • E volai tu ena iVolatabu na loma ni Kalou. Ena saumi na noda masu ke salavata kei na veika e vinakata na Kalou na ka eda masulaka.​—1 Joni 5:14.

Vakacava e bibi me dua na ivukivuki ni masu?

ERA VAKABAUTA ESO ni dodonu mo tekiduru se mo cuva ni o masu se dua tale na kena ivukivuki. Na cava o nanuma?

KA E KAYA NA IVOLATABU

A vakadonuya na Kalou nodra masu eso era “dabe,” “tucake,” “davo vakatoboicu,” se “tekiduru.”(1 Veigauna 17:16; 2 Veigauna 30:27; Esera 10:1; Cakacaka 9:40) Kena ibalebale e sega ni bibi me dua sara na ivukivuki ni masu.

SO TALE NA KA EDA VULICA ENA IVOLATABU