Raica sara na lewena

Raica na lewenivola

Nomu Vakatulewa e Vakatau Kina Nomu Veigauna se Bera Mai

Nomu Vakatulewa e Vakatau Kina Nomu Veigauna se Bera Mai

Rauta na 3,500 na yabaki sa oti, qo na ka e tukuna na Kalou o Jiova vei ira na sokaloutaki koya me rawa ni vinaka kina nodra veisiga nimataka: “Au sa biuta e matamu na bula kei na mate, na veivakalougatataki kei na veicudruvi, mo qai digia na bula mo rawa ni bula, o iko kei ira na nomu kawa.”—Vakarua 30:19.

Io, e vinakati mera vakatulewa vinaka me rawa ni marautaki nodra bula ena veigauna se bera mai. Meda cakava tale ga qori nikua. Ena sala cava? E kaya na iVolatabu: “Mo lomani Jiova na nomu Kalou, qai rogoca na domona.”Vakarua 30:20.

O NA LOMANI JIOVA VAKACAVA QAI ROGOCA NA DOMONA?

VULICA NA IVOLATABU: Mo rawa ni lomani Jiova, e vinakati mo vulica na veika me baleti koya. O na vulica kina ni Kalou dauloloma, e vinakata tale ga mo marautaka na bula. E vinakata mo masu vua ni “kauaitaki iko.” (1 Pita 5:7) E yalataka na iVolatabu ke o saga mo toro voleka vua na Kalou, ena ‘toro voleka tale ga mai vei iko.’—Jemesa 4:8.

MURIA NA KA O VULICA: O na vakarorogo vua na Kalou ni o muria nona ivakasala vuku ena iVolatabu. Ni o cakava qori, ena “rawa vinaka nomu sasaga, o na qai valavala vakavuku.”—Josua 1:8.