Na Kalou Dauloloma ena Vakalougatataki Iko me Tawamudu
O via bula ena vuravura e sega kina na ivalu, itovo kaukaua, kei na veicati?
O diva tu me oti na tauvimate, rarawa kei na mate?
O vinakata tu mo kua ni lomaleqa se nuiqawaqawa?
O via bula ena vanua e sega ni vakacaca kina na leqa tubukoso?
E yalataka tu na noda Kalou dauloloma e bulia na noda vuravura totoka, ni na vakalougatataki keda ena bula vakacegu kei na marau me tawamudu. Ena yaco dina qori.
Yalovinaka, raica mada ena ulutaga tarava:
Na sala e kauaitaki keda kina na Dauveibuli
Na itukutuku ni Kalou vei keda
Ka era kaya na parofita ena ka vinaka e cakava na Kalou, kei na ka ena vakarau cakava vei keda
Sala ena vukei keda kina na Kalou meda marau ena gauna qo kei na gauna se bera mai
Meda tekivu mada ena noda veivosakitaka nona kauaitaki keda dina na Dauveibuli.
