Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 ULUTAGA LEVU

Ni Mate e Dua Drau Dau Veivolekati

Ni Mate e Dua Drau Dau Veivolekati

“Na Kalou ga e kila na ka e vinaka, luvequ. . . . Kua . . . ni . . . tagi.”

A vakasolokakanataki qori vua e dua na yalewa o Bale * ena veibulu i tamana, a mate ena vakacalaka e gaunisala.

E dau volekati tamana sara o Bale. De vinaka na inaki nei koya na marama e cavuta vua na vosa qori, ia e sega ni vakacegui koya, sa qai rarawa ga kina vakalevu. E kaya lo toka ga: “A sega ni dodonu me mate.” Ia ni oti e vica na yabaki nona vola o Bale na veika qori ena dua na ivola, e kilai kina ni se lolositaki tamana tiko ga.

Me vakataki Bale ga, e rawa ni balavu nona lolosi tiko e dua, vakauasivi ke rau veivolekati kei koya e mate. E tukuni ena iVolatabu ni o mate e “iotioti ni meca.” (1 Korinica 15:26) Qo e dua na ka eda sega ni tarova rawa, levu na gauna e yaco sara tu ga vakasauri, ra qai takali kina o ira eda dau lomana. Koya gona, eda na dau veilecayaki ga ena gauna ni lolosi da qai sega ni kila na ka me caka.

De o rairai vakasamataka: ‘Dau vakacava na dede ni noda lolositaka e dua? Eda na vosota rawa vakacava na lolosi? Au na vakaceguya vakacava e dua e lolosi tiko? E tiko na nodra inuinui o ira na wekada lomani era sa mate?’

[iVakamacala e ra]

^ para. 4 Sa veisau na yaca.