Cava e Kaya na iVolatabu?
E tiko na yaca ni Kalou?
ERA TUKUNA ESO ni sega na yacana, so tale era kaya ni Kalou se Turaga, so tale era kaya ni levu tu na yacana. Cava o nanuma?
KA E KAYA NA IVOLATABU
“O kemuni, na yacamuni ga o Jiova, o kemuni ga oni Cecere Duadua e vuravura taucoko.”—Same 83:18.
CAVA TALE EDA RAWA NI VULICA ENA IVOLATABU?
E levu na icavuti ni Kalou, ia e dua ga na yaca e vinakata me kilai kina.—Lako Yani 3:15.
E sega ni Kalou vuni, e vinakata sara ga meda kilai koya.—Cakacaka 17:27.
Na noda kila na yacana e itekitekivu sara ga ni noda veiwekani kei koya.—Jemesa 4:8.
E cala ke da cavuta na yacana?
CAVA O NA KAYA?
Io
Sega
Vakatau
KA E KAYA NA IVOLATABU:
“Mo kua ni vakayagataka vakaveitalia na yaca i Jiova na nomu Kalou.” (Lako Yani 20:7) Ena cala ga na kena vakayagataki na yacana ena sala e sega ni dokai kina.—Jeremaia 29:9.
CAVA TALE EDA RAWA NI VULICA ENA IVOLATABU?
E kila o Jisu na yaca ni Kalou qai vakayagataka.—Joni 17:25, 26.
E sureti keda na Kalou meda vakayagataka na yacana nida vosa vua.—Same 105:1.
Era saga na meca ni Kalou me guilecavi na yacana.—Jeremaia 23:27.
Rawa ni o Wilika Tale ga
ESSENTIAL BIBLE TEACHINGS
E Tiko na Yaca ni Kalou?
E levu na kena icavuti na Kalou me vaka, o koya e Kaukaua Duadua, Dauveibuli, kei na Turaga. Ia e volai na yaca ni Kalou ena sivia ni 7,000 na vanua ena iVolatabu.
SAUMI NA TARO VAKAIVOLATABU
Vakacava e Levu tu na Yaca ni Kalou?
Era nanuma eso ni levu na yaca ni Kalou, kena ivakaraitaki o ‘Allah,’ ‘Alifa kei na Omeka,’ ‘El Shaddai,’ kei ‘Jiova-Jaire.’ Na cava meda kauaitaka kina na yaca ni Kalou eda vakayagataka?
SAUMI NA TARO VAKAIVOLATABU
E Yaca ni Kalou o Jisu?
Sega vakadua ni tukuna o Jisu ni Kalou Kaukaua Duadua. Cava na vuna?
