Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

Tawayalodina na iSa ni Vakawati

Tawayalodina na iSa ni Vakawati

“Au via mate sara ga ni sa kaya o watiqu ni na biuti au, me lai tiko vata kei na dua na yalewa e gone sara. E guilecava vakadua noqu dau solibula tu vua.” —Maria mai Sipeni.

“E vaka ga e mate e dua na tikiniyagoqu na gauna e biuti au kina vakasauri o watiqu. Sa oti vakadua na ka keirau dau tatadrataka, lalawataka, se vinakata. Eso na gauna niu nanuma sara ga ni sa oti noqu dau vakanananu, ena tuburi au tale na rarawa.”—Bill mai Sipeni.

DUA NA ka mosimosi ni tawayalodina na isa ni vakawati. Eso era rawa ni vosoti ira na kedra isa nira veivutuni dina, ra qai vaqaqacotaka tale nodra ivau ni vakawati. * Ia se mani cava e yaco ena bula vakawati, ni dua e tawayalodina ena rarawa vakalevu o kena isa. Ia era na vosota vakacava nodra rarawa?

TIKINIVOLATABU E VEIVAKACEGUI

E levu era dau yalodina ena nodra bula vakawati, ia ni tawayalodina o kedra isa dua na ka nodra rarawa. Na iVolatabu ga e dau vakacegui ira. Era kila ni lomani ira na Kalou, e raica tale tiko ga nodra rarawa.—Malakai 2:13-16.

“Ni bikai au na nuiqawaqawa, oni vakacegui au qai vakayaloqaqataki au.”​Same 94:19.

E nanuma lesu o Bill: “Niu wilika na tikinivolatabu qori, au dau raitayaloyalotaki Jiova me vaka e dua na tama dauloloma e vakaotia noqu rarawa.”

“Oni na yalodina vei koya e yalodina.”​Same 18:25.

E kaya o Carmen e tawayalodina o kena isa me vica na vula: “E tawayalodina o watiqu. Ia au nuidei ni sega ni biuti au o Jiova, ena sega vakadua ni vakararawataki au.”

“Moni kua ni lomaocaocataka e dua na ka, ia na ka kece me vakaraitaki vua na Kalou ena masu kei na kerekere . . . ena qai taqomaka na lomamuni kei na nomuni vakasama na vakacegu ni Kalou e uasivia na vakasama kece.”​Filipai 4:6, 7.

E kaya o Sasha: “Au dau wilika wasoma na tikinivolatabu qori. E vakacegui au sara ga na levu ni noqu dau masu vua na Kalou.”

Eso na gauna era dau via soro koso o ira na tukuni toka qori mai cake. Ia e vakayaloqaqataki ira nodra dau nuitaki Jiova, kei na nodra wilika nona Vosa. E kaya o Bill: “Au dau via soro koso ena so na gauna, ia e vukei au noqu vakabauta meu kila ni vakainaki na noqu bula. Keu lakova na ‘buca butobuto loaloa,’ ena tiko vata kei au na Kalou.”—Same 23:4.

^ para. 4 Me ikuri ni vakamacala me baleta na nodra veivosoti se kua, rai ena ilavelave ni Awake! April 22, 1999, ena ulutaga, “When a Mate Is Unfaithful.”