Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

Ni Dredre Sara ga na Bula

Ni Dredre Sara ga na Bula

E DAU totoka na bula ni sega ni sotavi na veika dredre. Ia so na gauna e mosimosi dina na ituvaki eda sotava, e dredre kina meda vosota rawa.

Kena ivakaraitaki o Sally * mai Merika, a vakacacani e levu nona iyau ena cagilaba. E kaya: “E dredre dina meu vosota. Levu na gauna au sega sara ga ni taqea rawa.”

Dua tale na ituvaki dredre, oya ni takali e dua na wekada voleka. Kena ivakaraitaki, e kaya o Janice mai Ositerelia: “Dua na ka noqu rarawa na nodrau takali na luvequ tagane, e vaka ga e kakaseresere na yagoqu. Au kerea vua na Kalou: ‘Au sega sara ga ni vosota rawa noqu rarawa! Vinaka cake meu mate, meu kua ni bula tiko.’”

Qo e dua tale na kena ivakaraitaki: A rarawataka o Taniela nona tawayalodina o watina. E kaya: “Dua na ka noqu rarawa ni vakatusa o watiqu nona tawayalodina vei au, vaka ga au lausua. E vica vata na vula na kena mositi au tu.”

Ena vakamacalataki ena Vale ni Vakatawa qo na sala meda marautaka tiko ga kina na bula ni

Meda dikeva sara qo na sala meda vosota tiko ga ni yaco na leqa tubukoso.

^ para. 3 Sa veisau eso na yaca ena ulutaga qo.