Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 BULA VAKAIDEWADEWA SE BULI?

Kana na Kau me Veidonui kei na Kena Gauna

Kana na Kau me Veidonui kei na Kena Gauna

E DAU muria na kau e dua na ituvatuva me vakayagataka na rarama ni siga me bulia kina na kena kakana. E vakatokai qori me photosynthesis. Ia e laurai ena vakadidike ni dau cakacakataka tale ga na levu ni gauna e vakayagataka kina na kakana qori ena bogi.

Vakasamataka mada: Ni siga na vanua, era dau kumuna na kasi e vakatokai me carbon dioxide na kau me buli kina na kedra, me vakaukauataki ira. E qai vakayagataki na kakana qori ni sa bogi, e vukea vakalevu nodra tubu bulabula kei na nodra kana tiko ga. Ia ena veidonui tale ga na gauna era kana kina, me kua ni totolo se berabera sara. Ni kida gona na mataka, sa rauta ni 95 na pasede na levu ni ka era kania, oti mera tekivu kumuni kedra tale.

E laurai qori ni vakadikevi na kau e veiwekani kei na musita e kilai me Arabidopsis thaliana. Era raica na daunivakadidike ni dau maroroya sara vakavinaka na kau qo na kena me veirauti kei na balavu ni bogi, veitalia ke se vo tiko e 8, 12, se 16 na aua ni bera ni kida na mataka. Ena wasewasea na kena e se vo tiko me veidonui kei na gauna e kana tiko kina me yacova ni sa kida na mataka.

Era kila vakacava na levu ni kakana e se vo tiko? Era cakacakataka vakacava na gauna? Cava e vukei ira ena nodra cakacakataka qori? E se vakadikevi tiko.

Cava o nanuma? E bula vakaidewadewa se buli na nona rawa ni kana na kau me veidonui kei na kena gauna?