Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

Kilai levu ena Drano kei Nicaragua na yanuyanu o Ometepe, e dua na vanua bulabula e tiko kina e rua na ulunivanua volukano, e semati rau na iyarabale

 VANUA KEI NA LEWENA

Veisiko i Nicaragua

Veisiko i Nicaragua

E DAU kilai o Nicaragua me vanua ni drano kei na volukano. E tiko kina na drano levu duadua e Merika e Loma—na Drano kei Nicaragua. E yacana vei ira na itaukei e kea na Cocibolca, e kena ibalebale “Wasawasa Kamica.” E drau vakacaca na yanuyanu era tiko kina. E kilai tani na kena waidranu nira bula kina na ika era dau kune vakalevu e wasawasa, me vaka na qio, sakuvorowaqa, kei na kena e vuvale vata na yavula.

Na senikau ni vanua qo na bua

E tiko tale ga e Nicaragua na vanua o Mosquito Coast, qo e dua vei ira na itikotiko ribayawa e Merika e Loma. E ciciva e 65 na kilomita ina matasawa ena tokalau me volekati Honduras tale yani. Dua na yavusa era tiko kina era kilai mera Miskito (dua tale na ivakadewa ni vosa vakavalagi na Mosquito) ra qai vu mai na vica vata tale na kawa itaukei e Nicaragua, era sa tu na vanua qori ni bera nira tadu yani kina na kai valagi donuya na ika16 ni senitiuri.

O ira na Miskito era bula tu ga vaka na veiwekani, era kilai tani tale ga ena nodra ivakarau ni bula. Kena ivakaraitaki, era sega ni dau vakayagataka na icavuti me vaka na “Mister” se “Miss” nira vakarau vosa vua e dua. Ena so na itikotiko ribayawa, o ira na gone era na kacivi ira na uabula ena “Ta” se “Nau,” ke ra sega mada ga ni veiwekani. Dua nodra itovo  makawa na marama e kea nira kidavaka e dua na wekadra se itokani, oya me regu na baludra. O koya vei rau e veikidavaki yani ena rogo sara ga na icegu ni ucuna ena gauna e regu kina.

Ira na itaukei

iVola vakaivolatabu ena vosa vakaMayangna kei na Miskito, era tabaka na iVakadinadina i Jiova