Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 ULUTAGA LEVU

O Dau Lewa Vinaka Nomu Bula?

O Dau Lewa Vinaka Nomu Bula?

Na cava dau nomu isausau ni o se gone? De dua o via vakawati, kenadau ena dua na cakacaka, se me dua nomu cakacaka vinaka. E levu na ka eda lalawataka e sega ni dau vakavotukana. Ena rawa ni veisau vakadua na isausau ni yaco eso na ka tawanamaki. Qori na ka e yaco vei Anja, Delina, kei Gregory.

  • E vakaitikotiko mai Jamani o Anja, se qai yabaki 21 sa tauvi kenisa, gauna qo sa tiko ga vakadua e vale.

  • O Delina e tiko mai Merika, e tauvi koya na mate ni masela kei na nave e vakatokai me dystonia. E qarava tale tiko ga e tolu na ganena eratou qase vua, eratou tauvi mate ni vakasama.

  • O Gregory e tiko mai Kenada, e lomaocaoca vakasivia sa lai nuiqawaqawa tale kina vakalevu.

Qori na ka eratou dui sotava tiko o Anja, Delina, kei Gregory, ia ratou lewa vinaka na nodratou bula. Na cava e vukei ratou?

E kaya na iVolatabu: “Ke o yalolailai ena gauna ni leqa, ena lailai na nomu kaukaua.” (Vosa Vakaibalebale 24:10, ivakamacala e ra) Matata vinaka na vakasama e tiko kina: E bibi na noda itovo ni rai. Ke o dau yalolailai gona vakalevu ena dredre mo lewa vinaka, ia ke donu tiko nomu rai o na sega ni vakalaiva na veika e yaco tiko ena nomu bula me lewai iko.

Dikeva mada na kena dina ena nodratou bula o Anja, Delina, kei Gregory.