Raica sara na lewena

Raica na lewenivola

 BULA VAKAIDEWADEWA SE BULI?

Ka e Cakava na Kumi ni Vusi

Ka e Cakava na Kumi ni Vusi

ERA dau vakasasa vakalevu ena bogi na vusi era susu e vale. Ni karobo na vanua, na kumidra sara ga e vukea nodra kila na ka e tu wavoliti ira se mera toboka na kedra.

Vakasamataka mada: Na viciko e tubu mai kina na kumi ni vusi e tiko kina e vica vata na nave. Ni dua mada ga na ka lailai e yavala ena kidava na nave qo. Ke buto tu mada ga ena kila ga na ka e tu wavoliti koya.

E vakayagataka gona na kumina me kila na vanua e tiko kina e dua na ka, se na gauna e yavala kina. Ena vakayagataka tale ga me kila na raba ni dua na vanua ni bera ni curuma. E kaya na Encyclopædia Britannica ni “se sega ni kilai taucoko na ka e rawa ni cakava na kumi ni vusi; ia na ka ga e kilai oya ke koti era na malumalumu vakalevu.”

Era saga tiko na saenitisi mera bulia na iyaya vakalivaliva e vakatotomuri kina na ibulibuli ni kumi ni vusi, me kidava na ka e tu e matadra mera qai lako wavokita. E vakatokai me e-whiskers (na kumi ni vusi misini), e rawa ni “yaga vakalevu ena misini vakalivaliva era sa vakatorocaketaki tu nikua, so eda dau vakayagataka, rawa ni yaga tale ga ena veika bula,” e kaya o Ali Javey e dua na saenitisi ena University of California, e Berkeley.

Na cava o nanuma? E bula vakaidewadewa se buli na kumi ni vusi?