Raica sara na lewena

Raica na lewenivola

 ULUTAGA LEVU | IVOLATABU SE YAGA TIKO NIKUA

Loloma

Loloma

IVAKAVUVULI VAKAIVOLATABU: “Moni sulumaka na loloma ni qo na ivau vinaka duadua ni duavata.”​Kolosa 3:14.

KENA YAGA: Na loloma e vakamacalataki vakalevu ena iVolatabu e sega ni kena e kune ena veivinakati se veidomoni. E tiko kina na mataqali itovo me vaka na veikauaitaki dina, veivosoti, yalomalumalumu, yalodina, yalololoma, yalomalua kei na vosota vakadede. (Maika 6:8; Kolosa 3:12, 13) E sega ni vaka na loloma e caka ena wede, ni sega ni dede sa seavu, sega tale ga ni vakaiyalayala.

E kaya o Bela, sa voleka ni yabaki 30 nona bula vakawati: “E duidui na loloma era vakila na se qai vakawati vou ni vakatauvatani kei ira na sa dede nodra bula vakawati.”

Dikeva o Samu, sa voleka ni 12 vakacaca na yabaki na nona vakawati: “Keirau dau marautaka vakaveiwatini na ivakasala ni iVolatabu, so na gauna keirau kurabuitaka na kena yaga kei na kena rawarawa! Ena vinaka nomu bula ke o muria. Ia au diva meu muria ena veigauna, ka ni rarawa ni sega ena so na gauna, niu cudru totolo, nanumi au ga, se niu oca. Au dau kerea sara nona veivuke o Jiova meu biuta tani na rai cala. Oti au mokoti watiqu, keirau veiyaloni tale me vaka ga a sega ni dua na ka ca e yaco!”

“Kilai ga o koya e yalomatua ena ka e cakava”

E kaya o Jisu Karisito ni na “qai kilai ga o koya e yalomatua ena ka e cakava.” (Maciu 11:19) Na iVolatabu gona e kune kina na ivakavuvuli vuku me yalomatua kina e dua. E yaga na kena ivakavuvuli kei na itovo era volai tu kina. E sega ni yalani na kedra yaga. E sega ni yalani ena itovo vakavanua se matatamata. E vakavotuya na itovo eda kilai kina na tamata qai dusi koya na iVurevure ni ka kece​—na Dauveibuli na Kalou o Jiova. Ena vakadinadinataki qori ke muri. Veisureti kina na iVolatabu, meda “tovolea mada ka raica ni sa yalovinaka ko Jiova.” (Same 34:8) O na cakava qori?