Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 VANUA KEI NA LEWENA

Veisiko i Costa Rica

Veisiko i Costa Rica

ERA butuka na vanua qo ena lima na senitiuri sa oti na kai Sipeni. Ra vakatoka sara me Costa Rica (Matasawa Vutuniyau), nodra nanuma nira na kunea kina e levu na koula, ia e matewale nodra sasaga. Nikua e sega ni kilai na vanua qo me ivurevure ni koula, e dua ga na vanua e vuravura e vutuniyau ena veika bula.

Era kilai na kai Costa Rica ena yaca Ticos, e vu mai na nodra dau tukuna na vosa “-ico” me ikuri ni vosa era dau cavuta. Kena ivakaraitaki na vosa qo “un momento” (wawa mada), e rawa nira kaya “un momentico” (wawa mada vakalailai). Era dau kaya vakalevu ena veisiga “¡pura vida!” (bula savasava!) mera vakavinavinaka, ra duavata ena dua na ka, se nira “vakabula” se “vakamoce.”

Levu na manumanu kei na kau era bula tu ena veikau e Costa Rica, me vaka na boto (Agalychnis callidryas) yalokanimata damudamu qo, e dau kakaba tu e vunikau

Kedra kakana taleitaki na gallo pinto (ibalebale ni vosa qo na “toa tavutonotono”), qo na raisi kei na bini. Erau na dui vakabutari, vakaisaluaki, qai saqa  vata tale. Rawa ni katalau, vakasigalevu, se vakayakavi. Era dau gunuva na kofi e saqa qai vakadewataki ena isulu e rube toka ena dua na kena itutu kau, e vakatokai me café chorreado.

E rauta ni 450 na ivavakoso ni iVakadinadina i Jiova e Costa Rica. E vakayacori nodra soqoni ena tini na vosa, wili kina na vosa vagalu ni Costa Rica kei na rua tale na nodra vosa na itaukei—na Bribri kei na Cabecar.

O BAU KILA? Kune i Costa Rica e vica na drau na vatu mokimokiti era ceuti vakamatau. Na kena levu duadua e 2.4 na mita na kena raba. So era tukuni nira yabaki 1,400 vakacaca. Sega ni dua e kila se inaki cava era ceuti kina!

Vatu mokimokiti