ESO era na rairai nanuma nira na tukuna o ira era tokona na veika vakasaenisi nida “bula vakaidewadewa” ia era na kaya na vakabauta na Kalou nida “buli.”

So na gauna e dau cala na vakasama qori.

E levu mada ga era vuli vinaka, wili kina eso na saenitisi, era sega ni vakadeitaka se da vu mai vei.

Vakasamataki Gerard mada, e dua na parofesa e dau dikevi ira na manumanu qasi lalai, a vulica na bula vakaidewadewa ena univesiti. “Niu veitarogi,” e kaya, “au dau vola na ka era vinakata na parofesa, ia au sega ni vakabauta na ka au vola.”

Cava e dredre kina nodra ciqoma eso era tokona na veika vakasaenisi nida vu mai ena bula vakaidewadewa? Me kilai na kena isau, meda dikeva mada e rua na taro era sega ni dau vakamacalataka rawa na vuku: (1) Eda vu mai vei? (2) Era tubu vakacava na veika bula?