Raica sara na lewena

Raica na lewenivola

 BULA VAKAIDEWADEWA SE BULI?

Na Vodre Vakatubuqoroqoro

Na Vodre Vakatubuqoroqoro

ERA dau vuka vakailawalawa na vodre nira toki, qai rawa ni “80 na milioni na vodre era vuka vata ena dua ga na kilomita vakarivirivi.” Ia era sega ni bau veicoqacoqa. E rawa vakacava qori?

Vakasamataka mada: E tiko ena daku ni matana ruarua e dua na nave vavaku e dau yadrava tiko nona veitosoyaki, e vakatokai me lobula giant movement detector (se LGMD). Ke kidava ni vakarau coqa, ena vakauitukutuku totolo na nave qori ina tabana kei na yavana, totolo kina nona cariba me leve. Na totolo ni nona cariba e bera tale na sauriva ni mata.

Na ka era kila na saenitisi me baleta na mata ni vodre kei na nona nave e uqeti ira mera bulia e dua na misini vakalivaliva e porokaramutaki me kidava totolo ni vakarau coqa qai taqomaki koya, sega tale ni qai yaga na iyaya vakalivaliva e buli me raica na ka. Era sa vakayagataka tale tiko ga na daunivakadidike ina motoka, mera vuki totolo me kua kina na vakacalaka. E kaya na Parofesa o Shigang Yue mai na University of Lincoln e Peritania: “Eda vulica e levu na ka vei ira na manumanu somidi me vaka na vodre.”

Na cava o nanuma? E bula vakaidewadewa se buli na nave vavaku ni vodre?