Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

Veiyasa i Vuravura

Veiyasa i Vuravura

Merika

E laurai ena fika e tabaka na tabacakacaka ni teitei ena 2012, ni 14.5 na pasede na vuvale e Merika—rauta ni 49 na milioni na tamata—era “sega ni kila na cava mera kania, se sa sega ni veirauti na kakana mera kania na matavuvale.”

Sipeni

Era vakadikevi na gonevuli ena univesiti qai laurai ni 56 na pasede na yalewa qai 41 na pasede na tagane era vakadinata nira dau gunu sivia. Qori na nodra gunuva na tagane e walu na bilo ena dua ga na gauna, o ira na yalewa e ono.

Wasa Pasifika

Era vakadikeva na saenitisi na ivakata titobu duadua e vuravura—e rauta ni 11 na udolu na mita—na Mariana. Era raica ni dina e butobuto, kaukaua kina na igu ni wai qai volekata na ivakatagedegede ni cevata, era bula kina eso na manumanu somidi. A nanumi tu ni sega ni dua na kabula e bula ena vanua titobu va qori.

Veivanua Vakaarapea

Era saga na vakailesilesi e Dubai mera vakalailaitaka na levulevu sivia. Era na vakaicovitaki kina na lewenivanua ena dua na karamu na koula—kena isau vakailavo e rauta ni $45 na ilavo ni Merika ena gauna ya—ni lutu na kedra bi ena dua na kilo. Ia ena vinakati me volai eliu na yacadra ena kena valenivolavola, me qai lutu tale ena 2 na kilo na kedra bi ena ikaciwa ni nodra vula na Musolomani na Ramadan ni bera nira taukena na icovi qori.