Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 VANUA KEI NA LEWENA

Veisiko i Ailadi

Veisiko i Ailadi

E VEILIUTAKI e Ailadi e rua na matanitu. Dua ena muanaicake, kena ikarua ena muanaira. Na muanaira e matanitu levu, ia na muanaicake e matanitu lailai qai vakarurugi vei Peritania.

iKawakawa na Giant Causeway

E kilai o Ailadi me Yanuyanu totoka baleta e vanua drokadroka qai dau tau kina na uca. E levu tale ga na drano, uciwai, veidelana kei na ulunivanua era volekata na baravi.

Vale lailai e biu e dokana na gasau madu

Ena veigauna sa oti era vosota na veika dredre na lewenivanua. Kena ivakaraitaki, ena 1845 ina 1851 era mate ena waloloi e rauta ni duanamilioni na tamata ni vakacaca ena nodra veiloga ni pateta na meca ni itei na blight. E vakavuna mera toki e levu e Kenada, Merika, Ositerelia, kei Peritania. Nikua, e rauta ni 35 na milioni na lewenivanua e Merika era cavutu mai Ailadi.

Era kilai na kai Ailadi nira yalovinaka qai dau veikauaitaki. Era dau taleitaka mera dau vodo ose, qito kirikiti, rakavi, soka, kei na dua na mataqali qito e vakatokai na Gaelic ena nodra gauna galala. Era dau taleitaka na yalewa mera qito camogie e vaka na hockey.

 Era dau taleitaka mera veimaliwai, mera vakayagataka tale ga na veimataqali iyaya ni ivakatagi. E kilai levu e vuravura na nodra ivakarau ni danisi na step dance. O ira na vakaitavi kina ena dodonu na dakudra qai lako vata na cavucavuti ni yavadra.

Mataqiriqiri ni Ailadi

Sa sivia qo e duanadrau na yabaki na nodra vakaitikotiko e Ailadi na iVakadinadina i Jiova. Nikua, e sivia e 6 na udolu na iVakadinadina ena vanua qo era gumatua tiko ena veivakavulici ena iVolatabu.

Era dau vakayagataka na kai Ailadi na veimataqali iyaya ni vakatagi me vaka e laurai toka e ra, mai na imawi ina imatau: na api, bagpipe, vaiolini, piano lailai, bitunivakatagi, kei na dramu e caka ena kuli ni manumanu

O BAU KILA?

Na kaukaua ni vatu katakata waicala e kaburaka na volukano, e buli kina na ikawakawa na Giant Causeway ena baravi ena muanaicake.