Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 VANUA KEI NA TAMATA

Veisiko i Brazil

Veisiko i Brazil

E kedra kakana taleitaki na kai Brazil na feijoada

Na manumanu vuka na toucan

ERA tawana taumada na vanua o Brazil na dauvakasasa manumanu kei ira na dauteitei. O ira na dausiko vanua mai Potukali era mai tauyavutaka ena vanua qo na lotu Katolika ra mani tara sara nodra valenilotu e ukutaki tu vakamaqosa ena kau talei e ceuti qai kabi kina na koula.

Ena ika16 ina ika19 ni senitiuri, era usani mai na waqa e va na milioni na bobula mai Aferika mera vakacakacakataki ena iteitei e Brazil. Era kauta mai na nodra ivalavala vakavanua kei na nodra vakabauta mani tauyavutaki eso na lotu vovou me vaka na lotu macumba kei na lotu candomblé, na lotu qori e cokoti vata kina na ivakarau ni nodra sokalou e Brazil kei ira mai Aferika. Sa taleitaki tale ga e Brazil na ivakatagi, meke kei na kakana vakaAferika.

Sa ra vakasaqara tale ga na kai Potukali na kakana mai Aferika na feijoada, qo na sitiu e saqa vata kei na lewenimanumanu, na bini loaloa (black bean), draunikau qai kena icoi na raisi. Ena ika19 ina ika20 ni senitiuri,  era mai vakaitikotiko e Brazil e vica na milioni era biubiu mai na vanua vakaUrope (vakabibi mai Jamani, Itali, Poladi, Sipeni), Japani kei na so tale na vanua.

Nikua, era vakaitikotiko e Brazil e le 750,000 na iVakadinadina i Jiova, era lewena e sivia e 11,000 na ivavakoso. Era vakavulica tale ga e 800,000 na lewenivanua ena iVolatabu. E tiko e 31 na timi e tara na nodra Vale ni Soqoni se Kingdom Hall. Na timi qori era veitokiyaki e Brazil mera tara se vakavinakataka e 250 ina 300 na Vale ni Soqoni e veiyabaki. Ena vula o Maji  ni yabaki 2000, sa tara oti e 3,647 na Vale ni Soqoni.

O BAU KILA?

Ni vakatauvatani kei na uciwai kece e vuravura, e levu duadua na wai e drodrova na uciwai na Amazon qai 6,275 na kilomita na kena balavu