Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

 BULA VAKAIDEWADEWA SE BULI?

Na Daliga ni Vodre na Katydid

Na Daliga ni Vodre na Katydid

E DUA na mataqali vodre ni Sauca Merika na katydid (Copiphora gorgonensis), e lailai mai na dua na milimita na daligana, ia e tautauvata sara na ka e cakava kei na daliga ni tamata. E rawa ni vakaduiduitaka na kaukaua ni veimataqali rorogo e voqa vakayawa tu mai. Kena ivakaraitaki, e kila na duidui ni domo ni dua tale na katydid, kei na rorogo ni beka e vaqara kena.

Vakasamataka mada: Na daliga ni vodre qo e tiko ena rua na yavana e liu. Na ka e cakava na daligana e tautauvata kei na ka e cakava na daligada. Ni rogoca na rorogo, e veisautaka qai vakalewa na biau ni rorogo e rogoca. Ia era dikeva na saenitisi e dua na tikiniyago vakasakiti e loma ni daligana e vaka na baluni wai, era vakatoka me acoustic vesicle. E tautauvata na ka e cakava na tikiniyago qori kei na cochlea se na qara wirini ni daligada. Na kena duidui ga ni somidi sara na acoustic vesicle, ia e vukea na vodre me rogoca na ka.

E kaya o parofesa Daniel Robert, ena University of Bristol School of Biological Science mai Peritania ni vakadidike qori ena vukei ira na idinia mera “bulia e dua na misini lailai ni irogorogo e makare sara na ka e rogoca.” Era vakabauta na dauvakadidike ni na yaga vakalevu qori ena kena buli na misini vovou ni irogorogo kei na misini e ilova na yagoda e dau vakayagataki e valenibula.

Cava o nanuma? E bula vakaidewadewa na daliga ni vodre na katydid se buli?